VIDEO/ Rama: Ja pse Mali i Zi ka shumë më tepër zhvillim se ne në fushën e turizmit

Turizmi rrit ekonominë dhe punësimin e qëndrueshëm. Kështu u shpreh Kryeministri Edi Rama, sipas të cilit në Shqipëri u lejua një kaos në fushën e turizmit me ndërtime që më shumë shkatërruan turizmin sesa e ndërtuan atë.

Në krah të Kryetarit të Bashkisë së Durrësit, Vangjush Dako, Rama tha se tashmë ka një ndërhyrje në një pjesë të zonës së plazhit përsa i takon infrastrukturës, por ajo që ka ndodhur me turizmin në këto vite ishte një shkatërrim.

“Jemi më keq se Mali i Zi, pasi atje ato që u bënë u bënë sicc duhet, jo si në Shqipëri, që u lejua një shkatërrim dhe kaos i vijës bregdetare”, tha Rama.

“Vitin e kaluar turizmi ka pasur 42 mijë të punësuar të regjistruar. Në 10 vitet e ardhshme do të shkojë në 250 mijë. Brenda 5 viteve ne mund të shkojmë në 10 milionë turistë, por na duhet investime pasi kemi një numër të ulët shtretërish”, tha Rama.

Sakaq, kryeministri tha se ata që mbarojnë arsimin profesional ka shumë më tepër mundësi për të filluar punë se të tjerët.

“Ata që mbarojnë arsimin profesional kanë një mundësi shumë herë më të madhe të se tjerët për të filluar punë. Në vendin tonë ka shumë vende të lira pune, në kompani të vogla dhe të mëdha.

Ka vende pune të të gjitha llojeve, por rroga 150 mijë këtu nuk ka edhe pse rroga minimale është e ulët, por jo 150 mijë lekë. Ne nuk mund të rrisim rrogat sa e kemi dëshirën. Ne duhet të rrisim më tutje ekonominë dhe kjo do të rrisë edhe më tej rrogat. Puna kërkohet dhe për ta gjetur është një mundim më vete. 120 aplikime dhe 35 intervista bën një i ri në vendet e BE për ta gjetur punën”, tha Rama.