Washington, më 2 Shtator takimi i liderëve të Kosovës dhe Serbisë

Liderët e Kosovës dhe Serbisë do të takohen në Shtëpinë e Bardhë më 2 Shtator. Lajmin e ka bërë të ditur I Dërguari i Posaçëm i Presidentit Trump në dialogun Kosovë-Serbi, Richard Grenell, përmes rrjetit social Twitter.

Fillimisht takimi në Shtëpinë e Bardhë ishte caktuar pêr 27 Qershor, por pala kosovare e anuloi për shkak të ftesës nga Gjykata Speciale në Hagë për Presidentin e Kosovës, Hashim Thaçi.

Ndryshe, 3 ditë para takimit në Washington, Prokuroria Speciale publikoi akuzat për krime lufte të dorëzuara pranë Gjykatës Speciale në Hagë kundër Presidentit të Kosovës, Hashim Thaçi.

Ndërkohë më 16 Korrik, Kryeministri i Kosovës, Avdullah Hoti dhe Presidenti i Serbisë, Aleksandar Vuçiç janë takuar në Bruksel, me ndërmjetësiminin e Përfaqësuesit të Posaçëm të BE për dialogun Kosovë-Serbi, Miroslav Lajçak.