Nesër në Presidencë, Edi Rama takim me Ilir Metën, për datën e zgjedhjeve

Kryeministri Edi Rama nesër në orën 11:00 do të diskutoj në Presidencë me Ilir Metën për datën e zgjedhjeve.

Ky konfirmim i Kryeministrit Rama vjen pas deklaratës në Vlorë rreth kufirit detar ku ai për Metën tha se ja fut kot sepse nuk ka Marrëveshje:

“Po të kishte një marrëveshje patjetër që Presidenti do kishte dijeni për të dhe nuk mund të ketë një marrëveshje pa miratimin e presidentit. Ndërkohë që e përsëris edhe njëherë për ata që duan të dëgjojnë dhe jo për ata që bien në grepat e atyre që bëjnë politike më ‘kap ça të kapësh’ që nuk ka asnjë marrëveshje. Negociatat me Greqinë janë ndërprerë qysh pas ndryshimit të qeverisë në Greqi dhe me qeverinë greke nuk kemi rifilluar negociatat dhe nuk kemi asnjë marrëveshje për momentin. Ngatërresa e një deklarate e kryeministrit të Greqisë në Parlament që s’ka lidhje me Shqipërinë, por që ka të bëjë me konceptin e të drejtës për tu shtrirë me 12 milje aty ku e lejon territori, gjë që në zonën mes nesh dhe Greqisë kjo gjë nuk është e mundur fizikisht, është kthyer në një karrem. Është një histori qesharake dhe e turpshme për ata që e ushqejnë. Më shumë nuk di ç’të them. Nuk ka si të bëhet një marrëveshje kur s’ka letra, firma, vula”, tha Rama.

I pyetur nëse është takuar me Presidentin Meta, kreu i qeverisë u përgjigj shkurt:

“Nuk kemi shtrënguar duart se nuk e lejon covidi”

Ndryshe, Ilir Meta sot pritet të takoj Kryetarin e PD, Lulzim Basha, atë të LSI, Monika Kryemadhi, PDIU Shpëtim Idrizi, dhe përfaqësuesen e llumit opozitar, Rudina Hajdari!

Sipas Kodit të ri zgjedhor, Ilir Meta pas konsultimeve përcakton një datë nga 15 Prill deri 15 Maj.