Rinas-Tiranë përplasen makinat, dy të plagosur

Dy persona janë plagosur në një aksident në rrugën nacionale Rinas-Tiranë. Policia bënë të ditur se aksidenti ka ndodhur sot rreth orës 09:30 në kryqëzimin e Laknasit në Berxullë.

Të plagosurit janë dërguar në spital dhe ndodhen jashtë rrezikut për jetën.

“Me date 22.09.2020, rreth orës 09:30, tek kryqëzimi i Laknasit, në Bërxullë, janë përfshirë në përplasje mjeti me drejtues shtetasin K.M., dhe pasagjer V.Zh, me mjetin me drejtues shtetasin A.N.” sqaron policia duke saktësuar:

“Si pasojë e përplasjes janë dëmtuar drejtuesi i mjetit K.M dhe pasagjeri në mjet V.Zh., të cilët u dërguan në spital, dhe ndodhen jashtë rrezikut për jetën.”

Grupi hetimor dhe Policia ndodhen në vendngjarje dhe po punojnë  për zbardhjen e plotë të rrethanave të ngjarjes.