Lëkundje të forta të tokës, ja ku ishte epiqendra

Toka nuk po qetësohet rreth qytetit të Lushnjes. Lëkundje të forta u regjistruan edhe pak minuta me parë dhe sipas Qendrës Sizmologjike Mesdhetare, EMSC, epiqendra e tërmetit ishte 10 km larg qytetit të Lushnjes.

EMSC raporton se tërmeti me magnitudë 4.0 të shkallës Rihter dhe thellësi 5 km, ra në orën 07:21 vetëm 10 km larg qytetit të Lushnjes dhe 29 km nga qyteti i Elbasanit.

Tërmeti më i fortë brenda 24 orëve të fundit u regjistrua në orët e para të ditës së sotme. EMSC raportoi për një tërmet me magnitudë 4.1 të shkallës Rihter dhe thellësi 10 km, i cili u regjistrua në orën 01:25. Pasgoditjet tjera ishin me magnitudë nga 3-3.6 të shkallës Rihter.