Nga Përmeti, Syri i Kaltër e deri në Alpe, ndërhyrje në pesë pikat turistika

Qeveria ka parashikuar ndërhyrje në pesë pika turistike në vend duke pasur në fokus rrugët, përmirësimin e plazheve dhe rikualifikimin urban apo përmirësimin e aksesit në shërbime në këto zona.

Janë të paktën pesë projekte konkrete për ndërhyrje ku secila ka specifikën e vet dhe që përfshijnë zonën e Përmetit, Plazhin e Divjakës e deri tek Syri i Kaltër  apo Alpe. Fondi Shqiptar i Zhvillimit bëri me dije se po kërkon një mbikëqyrjes që do të shohë nga afër këto projekte duke detajuar specifikat e secilit.

Kështu objekte të shërbimit të mbikëqyrjes janë: Sistemim, asfaltim i rrugës Përmet – Carshovë, po kështu ndërhyrje e integruar për përmirësimin e aksesit, shërbimeve dhe rikualifikimit urban në Zonën e Plazhit-Divjakë.

Projekti i tretë është ndërhyrje e integruar për përmirësimin e aksesit, shërbimeve dhe rikualifikimit urban në Zonën e Plazhit-Palasë-Dryhmades.

Së katërti ndërhyrje e Integruar për përmirësimin e aksesit, shërbimeve dhe atraksionit turistik në zonën e Alpeve Shqiptare.

Së pesti ndërhyrje e Integruar për përmirësimin e aksesit, shërbimeve dhe atraksionit turistik në zonën e Syrit të kaltër.

“Afati i realizimit të supervizionit të punimeve do të jetë i njëjtë me afatin e realizimit te punimeve nga shoqëria ndërtimore e cila do të zbatojë punimet si dhe inspektimet gjatë periudhës 2 vjeçare të garancisë kur kërkohet nga investitori” nënvizon FSHZH në dokumente.

Fondi limit për këtë shërbim është 72 milionë lekë ndërsa afati për dorëzimin e ofertave është vendosur data 19 tetor 2020./Monitor/