Takimi Varhelyi-Hoti, Kosova i ka plotësuar kushtet, tani duhet ti plotësoj BE

Komisioneri për Fqinjësi dhe Zgjerim të BE-së, Oliver Varhelyi, pas takimit me Kryeministrin e Kosovës, Avdullah Hoti, në Prishtinë tha se Kosova i ka përmbushur kushtet për liberalizim vizash, por se tani duhet bindur shtetet anëtare të BE.

“Për mua sot shënohet një ditë ku mendoj se kam sjellë disa lajme të mira për Kosovë dhe mbarë rajonin. Para jush është plani ekonomik dhe i investime. Ne jemi angazhuar që nga dita e parë për të ndihmuar në ndryshimin e realiteteve në këtë rajon, si për shembull ai ekonomik për biznese dhe për qytetarët. Mendoj se plani i investimeve ekonomike mund të jetë një ndryshim i lojës për rajonin brenda 3, 4 ose 5 vjetëve,” tha Varhelyi duke përsëritur përrallën nga Tirana:

“Ne po ndajmë 9 miliardë euro grante dhe në koordinim me institucionet ndërkombëtare do të krijomë edhe 20 miliardë shtesë për rajonin. Ne presim që ky plan ta rrisë ekonominë e rajonit për 3-5% dhe ky është një kontribut i madh për rimëkëmbjen ekonomie pas krizës së COVID-19”.

Sikurse me çdo ofertë tjetër, Kryeministri për zgjerim erdhi me disa kërkesa, për përshpejtimin e reformave, sepse sipas tij, këto investime shkojnë së bashku më përpjekjet për reforma, por për libralizimin e vizave nuk iu përgjigj siç kishte premtuar BE edhe pse Kosova i plotësoi kushtet:

“”Sa i përket liberalizimit të vizave, nuk ka asnjë takim të vetëm që nuk e kemi diskutuar këtë çështje. Unë po përpiqem që t’i bindi shtetet anëtarë të BE-së që të ofrohet liberalizimi i vizave për Kosovën. Vlerësimi ynë është që i keni përmbushur të gjitha kushtet, por ky vlerësim nuk mjafton. Ne duhet t’i bindim shtetet anëtare të BE-së për një gjë të tillë,” tha këtë togfjalësh të pakuptimt, Komisioneri për Fqinjësi dhe Zgjerim të BE-së, Oliver Varhelyi, që bazuar në përvojën britanike ka vetëm një rrugëzgjidhje!