Nëse përdoren si duhen mekanizmat, OBSH: Mund ti japim fund COVID-19

Drejtori i Përgjithshëm i Organizatës Botërore të Shëndetësisë, OBSH, Tedros Adhanom Ghebreyesus, tha sot se mund t’i japim fund së shpejti pandemisë COVID-19 nëse i përdorim si duhet mekanizamt që kemi, në të kundërt, pandemia globale mund të qëndrojë për një kohë të gjatë.

“Në rast të se i përdorim si duhet mekanizamt që ne i kemi në dispozion, mund t’i japim fund së shpejti pandemisë,” u shpreh Ghebryesus duke shtuar se vaksina mund të jetë gati në fund të vitit 2020 ose në fillim të vitit të ardhshëm.

Ndryshe, deri më tani mbi 37 milionë njerëz janë infektuar nga koronavirusi, ku një milion prej tyre raportohet të kenë ndërruar jetë.

Ekspertët paralajmërojnë se sëmundja menaxhohet më së miri me respektimin e masave parandaluese sikurse distancimi shoqëror; Masa të cilat duhet të respektohen në mungesë të vaksinës kundër COVID-19.