Video/ Tërmet i fuqishëm godet Turqinë, dyshime për viktima
Turqia u godit nga një tërmet i fuqishëm, me magnitudë 6.6 ballë, dhe epiqendër në Deti Egje. Raportohet për dëme të mëdha materiale ndërkohë dyshohet për viktima në njerëz pasi në Izmir janë rrënuar plotësisht 6 ndërtesa.
Sipas Qendrës Mesdhetare Sizmologjike, EMSC, pas disa lëkundjeve nga 4-4.6 të shkallës Rihetr ka pasuar dhe goditja fatake e tërmetit shkatërrues në orën 13:51 me magnitudë 7.0 të shkallës Rihter dhe thellësi 10 km, me epiqendër në Egje.
Ministri i Brendshëm turk, Suleyman Soylu menjëherë konfirmoi se tërmeti ishet me magnitudë 6.6 të skallës Rihter ndërsa shtoi:
“Ekipet tona vazhdojnë shqyrtimin dhe ndërhyrjet e tyre në terren”.
Sipas Agjensisë së Menaxhimit të Fatkeqësive dhe Emergjencave, AFAD, tërmeti u regjistrua në orën 14:51 me kohën lokale, me magnitudë 6,6 ballë në Detin Egje, 17 kilometra nga brigjet e rajonit Seferihisar në qytetin Izmir. Epiqendra e tij ishte me një thellësi 16.54 kilometra.
Pas këtij tërmeti i cili shkaktoi panik edhe ndër qytetarët e Stambollit dhe Athinës, u dha alarmi për cunami.
An #Earthquake of 6.6 magnitude hit the city of #Izmir in #Turkey today. The collapse of some buildings are reported.#izmir pic.twitter.com/JKsVKYSCR4
— Wᵒˡᵛᵉʳᶤᶰᵉ Uᵖᵈᵃᵗᵉˢ? (@W0lverineupdate) October 30, 2020
Nga pamjet e postuara në rrjetet sociale shihet një valë uji që është përplasur në brigjet e Izmirit, duke shkaktuar një cunam të vogël.
