Vdiq kreu i Kishës Ortodokse Serbe në Mal të Zi

Kreu i Kishës Ortodokse Serbe në Mal të Zi, mitropoliti Amfilohije, vdiq mëngjesin e sotëm. Lajmi u konfirmua nga Kisha, e cila tha se Amfilohije, 82 vjeç, vdiq në Qendrën Klinike të Malit të Zi në Podgoricë.

Shefja e Pulmologjisë, Jellena Boroviniç Bojoviç, tha se pas mesnatës është përkeqësuar gjendja e mitropolitit dhe është intubuar.

Ndryshe, më 7 tetor është bërë e ditur se Amfilohije është shtruar në spital për trajtim të koronavirusit. Fillimisht, mjekët e kanë vlerësuar situatën e tij si të qëndrueshme.

Mali i Zi, raporton RFE, ka regjistruar gjithsej mbi 17.300 raste me koronavirus dhe 282 viktima.