Në prag të largimit vjedhë, gënjen dhe shpifë, Basha: Edi Rama është e shkuara!

Edi Rama është e shkuara, është vjedhja! Kjo ishte përgjigja për Edi Ramën nga Kukësi ku kërkoi mandatin e tretë, nga Kryetari i Partisë Demokratike, Lulzim Basha, duke shtuar se atij nuk i ka mbetur asgjë tjetër në prag të largimit veçse të vjedhë, të gënjejë dhe të shpifë.

Duke iu rikthyer situatë së krijuar nga panedmia, Lulzim Basha tha se në 24 orët e fundit e ka parë nga afër se sa i kolapsuar është sistemi shëndetësor, duke u angazhuar me 4 raste të afërmish me COVID.

“Pavarësisht kërkesave të këtyre rasteve, testimi i pacientëve është refuzuar nga ISHP. Që të marrësh informacion të vërtetë se në ç’gradë është infeksioni, duhet së paku gjysmë dite, pasi ke rezultuar pozitiv për të marrë protokollin e duhur. në të katër rastet që kam ndjekur, tamponimi as që bëhet fjalë nga instancat shtetërore. 4 raste vetëm në 24 orë.”

“Dhe po të shohim shifrat e shpallura ditën e djeshme, kanë përpjekje për të fshehur tendencën rritëse. Janë raportuar vetëm 319 raste të reja, dhe kjo shifër nuk përfshin rastet e reja që as nuk tamponohen e as nuk deklarohen. Dje iu lexova një mesazh nga një zotëri në Korçë, që thoshte se iu deshën 10 ditë për të bërë tamponin ndërsa bashkëshortes ia kanë refuzuar. E gjitha kjo është përgjegjësi e një njeriu të vetëm që sërish refuzon të hedhë 4 hapa minimal. Refuzon të rrisë nr e testimeve, me rritjen e numrin do të mund edhe të evidentojmë të infektuarit mes nesh, dhe pasi ti evidetojmë të marrim masa për të ndërprerë zinxhirin. Kjo mban kurbën nën kontroll.

Së dyti, një problem i madh është se pasi merret vesh se kanë Covid, s kanë para për të marrë ilaçet. dhe paradoksi është që sa më të moshuar të jenë, aq më shumë ilaçe i duhen. Dhe këta janë një kategori që kanë edhe të ardhurat më të ulëta. Vetëm antibiotikës, kalon shifrën 500-600 mijë lekë. Përgjegjësi për këtë është zhdukur dhe inskenon një shfaqje bajate. Ka shkuar 6 herë te aeroporti i Kukësit. Lëviz si pushtues,  po urrejtjes së popullit nuk i shpëton dot.“

Lideri i opozitës me këtë rast i drejtoi disa pyetje kryeministrit Edi Rama ndonëse pohoi se ai nuk ka përgjigje për to.

“Pse nuk ka para për testime? Pse nuk e paguan bonusin për mjekët dhe infermierët? Pse nuk përgatit gjithë infrastrukturën shëndetësore por vazhdon e bredh dhe shkon 5 herë në të njëjtin vend për t’i ikur këtyre përgjigjeve. Pse Kosova filloi disbursimin e paketës për biznesit dhe ti vazhdon të mbushësh xhepat? Çfarë plani ke për shkollat që po mbyllen, për mësuesit. Çfarë ndihme ke për pensionistët?

Edi Rama nuk ka përgjigje për gjithë këto pyetje si nuk ka përgjigje për premtimet e bujshme që bën sa herë vijnë në zgjedhje. Sot ka qenë në Kukës ku sot jetojnë vetëm 1/3 e banorëve që ishin kur Edi Rama erdhi në pushtet. përmes taksave, faturave të energjisë, poli8tikave raciste, 2/3 e kuksianëve janë detyruar të largohen. pasi ka shpunësuar dhe larguar qindra mijëra shqiptarë përsërit premtimet bajate. E vërteta është krejt ndryshe. Ka dështuar me çdo premtim që ka bërë Ka premtuar 300 mijë vende pune ka çuar 500 mijë njerëz në azil. ka premtuar shëndetësi falas, shëndetësia sot në kolaps. Të tjerë që kanë nevojë për shërbim shëndetësor janë lënë në mëshirë të fatit dhe po vdesin trotuareve. Po iu kushto sot shqiptarëve shëndetin dhe jetën e të afërmeve të tyre sepse ka dështuar me pandeminë. Kjo është arsyeja që lëviz si pushtues. Nuk besoj se masa të tilla merren kundër COVID-it. Rama e di se është bërë një barrë e papërballueshme për çdo shqiptar, demokrat e socialist. Vetëm largimi i tij është ndarja me të keqen. largimi i tij ndryshimi që presin shqiptarët. Për këto pyetje që nuk do të marrin përgjigje, pres përgjigje nga struktura e posaçme antikorrupsion, të cilës prej 3 muajsh i kemi vënë në dispozicion faktet, kemi çuar javën e kaluar 3 kallëzime penale dhe vazhdon të heshtë.

Koha ku ju pyes se çfarë po bëni dhe kur do i vini para përgjegjësisë autorët po mbaron me shpejtësi dhe për mua dhe çdo shqiptar nuk do mbetet gjë tjetër veç të nxjerrim konkluzione se pse keni mbyllur gojën. Bëni detyrën tuaj, mos keni frikë, mua dhe shqiptarët do më keni në krah.

Edhe sot po ju drejtohem më kërkesën dhe pyetjen, bëni detyrën tuaj, çfarë po ju pengon. Nuk ka shqiptar që nuk e di se kemi ardhur në këtë pikë se Edi Rama vjedh paratë e shqiptarëve,” tha Kryetari i Partisë Demokratike duke u shprehur qartë se asgjë nuk e ndalë ndryshimin.

“Asgjë nuk e shpëton Edi Ramën nga llogaridhënia për 7 vite keqqeverisje dhe premtime të pambajtura. Edi Rama e di që do të humbasë thellë, kjo është arsyeja pse ndryshoi ligjin, pse krijon thashetheme pa vlerë. Ne nuk do ta ndjekim në këtë lojë, nuk do të bëhemi pjesë e lojës së tij. Ai e ka pasur shansin të tregojë veten dhe e ka treguar. Ai është shkaktari i shkatërrimit të ekonomisë, i largimit të shqiptarëve, i kolapsit dhe ditës më të zezë për shqiptarët. Ne jemi të fokusuar të nxjerrim Shqipërinë nga gropa ku e ka futur Rama. Ndryshimi është i pashmangshëm. PD prej gati dy vitesh në terren, që shfaq platformën e saj. Programet tona dhe zgjidhjet për shqiptarët janë publikuar, vazhdojnë të jenë pjesë e përditshme e komunikimit tonë me shqiptarët. PD ka prekur problemet dhe iu ka ofruar atyre zgjidhje.”

Sot, tha Basha, Edi Rama është e shkuara dhe se po mundohet të gjejë një vrimë ku të fusë kokën e të mos japë llogari para shqiptarëve.

“Shqiptarët e kanë të qartë që njeriu për 8 vite nuk ndërtoi 1 km rrugë, nuk ka as moralin as cipën të krahasojë me punët që janë bërë në të shkuarën. Përpiqet të largojë vëmendjen nga ajo që do ndodhë më 25 prill. Rama është e shkuara, është vjedhja. Është njeriu që vazhdon të vjedhë. Nuk i ka mbetur asgjë tjetër veçse të gënjejë dhe të shpifë në prag të largimit.

E gjithë kjo sjellje e tij, ka vetëm një qëllim të mos japë përgjigje për pyetjet që shtrova në këtë konferencën për shtyp. I arratiset pyetjeve nga Kukësi e në Bejrut. po mundohet të gjejë një vrimë ku të fusë kokën e të mos japë llogari para shqiptarëve që i ka lënë në mëshirë të fatit,” tha Kryetari i Partisë Demokratike, Lulzim Basha, duke u zotuar se më 25 prill kjo do marrë fund ndërsa përfundoi:

“Do hetohet dhe korrupsioni me rindërtimin. Nëse nuk do kishin pasur fokus vjedhjen, shumica e dëmeve do ishin riparuar.  Nëse ka një shpresë që rindërtimi të bëhet siç duhet është largimi i Ramës më 25 prill. Hajdutët e rindërtimit të vihen para drejtësisë. Do i ndjekim hap pas hapi.”