SHBA, Biden shpall fitoren; Trump: Zgjedhjet nuk kanë mbaruar…
CNN nxitoi ta shpall kandidatin demokrat Joe Biden si Presidentin e 46-të të SHBA ndërsa pasuan mediat tjera që raportojnë një president që fitoi 273 deri në 284 vota elektorale. Ndërkohë FOX news shkoi një hap para duke e shpallur fitues me 290 vota elektorale:
Pak momente pas këtij shpërthimi mediatik u shfaq edhe vetë Joe Bide duke dhënë dhe mesazhin e tij të parë presidencial.
“Amerikë, jam i nderuar që më ke zgjedhur mua për të udhëhequr vendin tonë të madh. Puna përpara nesh do të jetë e vështirë, por unë ju premtoj këtë: Unë do të jem një President për të gjithë Amerikanët – pavarësisht nëse ju keni votuar për mua apo jo. Unë do të ruaj besimin që ti më ke dhënë,” thekson Joe Biden ndërkohë sipas porjeksioneve vazhon dhe kryesor në Georgia që ka 16 vota elektorale, Nevada me 6 vota elektorale dhe Arizona me 11 vota elektorale.
America, I’m honored that you have chosen me to lead our great country.
— Joe Biden (@JoeBiden) November 7, 2020
The work ahead of us will be hard, but I promise you this: I will be a President for all Americans — whether you voted for me or not.
I will keep the faith that you have placed in me. pic.twitter.com/moA9qhmjn8
Por stafi elektoral i Presidentit Trump është duke vënë në pikëpyetje rezultatet:
“Zgjedhjet nuk kanë mbaruar,” thekson Ekipi Elektoral i bindur që presidenti përfundimisht do të fitojë si rezultat i rinumërimeve të pritshme në shtetet ku gara është e ngushtë, si dhe prej sfidave ligjore të bazuara në akuza të paprovuara për vjedhje votash dhe parregullsi.
Ndërkohë Presidenti Trump e bëri të qartë përmes rrjetit social Twitter se si përfundoi kjo garë që zyrtarisht quhet elektorale:
“Vëzhguesit nuk u lejuan në dhomat e numërimit. Fituam zgjedhjet, morëm 71,000,000 vota të ligjshme. Gjëra të këqija kanë ndodhur të cilat vëzhguesit tanë nuk janë lejuar të shohin. Asnjëherë nuk ka ndodhur më parë. Miliona fletëvotime postare u janë dërguar njerëzve që nuk i kanë kërkuar kurrë!”
Dhe, pavarësisht festës së madhe që vazhdoi ndër demokratë për fitoren e Biden duke mos repsektuar praninë e koronavirusit në SHBA, fjalën e fundit që të shpallet Joe Biden, President i SHBA, pritet ta jap Gjykata Supreme.
