63 mln të infektuar dhe 1.4 mln të vdekur në botë, Fauci shqetësohet për Ditën e Falënderimeve!

Në botë janë 63 milionë të prekur nga koronavirusi, 1.465.000 prej të cilëve kanë vdekur dhe SHBA kryeson me 13.750.000 të infektuar dhe 273.000 jetë të humbura nga COVID-19. Por Drejtori i Institutit Kombëtar për Alergji dhe Sëmundje Infektivë si dhe anëtari i grupit të punës për koronavirus, Dr.Anthony Fauci, tha në pikun e rritjes alarmanet të numrin të infektuarve se duhet mbyllur baret dhe restorantet, shkollat të mbahen hapur ndërsa shprehu shqetësimin për Ditën e Falënderimeve dhe udhëtimeve të shumta që mund të shkaktojnë rritje të numrit të infektuarve me koronavirus

“Nuk dua të frikësoj njerëzit, por them që ende nuk është vonë të ndërmarrim masa,” tha Dr.Fauci duke i bërë thirrje qytetarëve të jenë të kujdesshëm kur të udhëtojnë, të mbanë maska dhe të mbajnë distancë sociale si dhe të mos mblidhen me rastin e festave sepse në muajin dhjetor pritet valë e re e epidemisë e cila do të plotësoj atë aktuale.

Dy dozat e para të vaksinës kundër koronavirusit nga kompania Pfizer është transportuar nga Belgjika në SHBA, raporton NBC duke ju referuar burimeve nga kompania United Airlines dhe shpërndarja pritet të bëhet pas miratimit nga autoritet.   

Rusia është gdhirë me 26.338 raste të reja me koronavirusi ndërsa janë raportuar 368 jetë të humbura. Numri i të infektuarve në Rusi tashmë është 2.295.654, raporton Shtabi rus i Krizës ndërsa sot janë shpallur të shëndoshë 17.247 pacientë.

Ndërsa Kina nga i mbante sytë e gjithë bota para zbulimit të studimeve të reja mbi rolin e Italisë në këtë gjëmë që iu bë botës, sot raporton për 18 raste të reja me koronavirus, 15 prej të cilëve raportohet se kanë ardh nga jashtë shtetit dhe 3 nga Mongolia, raporton Agjencia e lajmeve Reuters. Sa i përket rasteve asimptomatike, që Kina nuk i regjistron, sot janë raportuar 17. Aktualisht numri i të prekurve me koronavirusn në Kinë është 86.530 ndërsa numri i jetëve të humbura ngeli i pandryshuar, 4.634.

Ndërkohë në rajon situata paraqitet kaotike. Në Slloveni, nga testimi i 1.880 personave të dyshuar, 428 prej tyre rezultuan pozitiv me COVID-19 ndërsa janë 51 qytetarë që kanë humbur betejën me koronavirusin. Deri më sot në Slloveni janë 75.800 të prekur me koronavirus, 1.298 prej të cilëve janë hospitalizuar. Drejtori i Klinikës Infektive, Alesh Rozman, tha se numri i pacientëve të shtrirë në spitale duhet ë ulet nën 1.000 në mënyrë që të zbuten masat.

Në Kroaci raportohet se pas testimit të 5.027 personave të dyshuar gjatë 24 orëve të fundit, 1.830 prej tyre rezultuan pozitiv me COVID-19 duke e çuar në 128.442 numrin e të prekurve me koronavirus. 74 qytetarë kanë humbur betejën me koronavirusin gjatë 24 orëve të fundit ndërsa janë shëruar 3.361 pacientë. Aktualisht janë 2.358 pacientë të shtruar në spital.

Në Bosnje Hercegovinë, pas testimit të 1.162 personave të dyshuar gjatë 24 orëve të fundit, 518 prej tyre rezultuan pozitiv me COVID-19 duke e çuar në  56.128 numrin e të prekurve me koronavirus. 59 qytetarë e kanë humbur betejën me koronavirusin ndërsa janë shëruar 1.007 pacientë.

Edhe sot Rusia nuk ndalet me lajme mbi prodhimin e vaksinës kundër koronavirusit. EliVakKorona, të cilën thuhet se e ka zhvilluar Qendra shtetërore hulumtuese për virusologji dhe bioteknologji, sipas Drejtorit të qendrës Rinat Maksyutov, mund të lëshohet në qarkullim në muajin dhjetor.

“Tashmë kemi prodhuar 35.000 doza dhe planifikojmë që deri në fund të vitit të prodhojmë 50.000 doza. Rreth 5.000 doza kanë shkuar për testim të postregjistrimit klinik, pjesa tjetër do të shkoj për qarkullim civil,” tha Maksyutov në një Konferencë shkencore duke shtuar se pret që pjesa më e madhe do të përfundoj në treg, në muajin dhjetor.  

Mësohet se vaksina e pritet të shpërndahet në treg pasi të testohet në institucionet e Ministrisë së Shëndetësisë më 7 dhe 8 Dhjetor.

Aktualisht në Rusi janë regjistruar dy vaksina kundër koronavirusit dhe pritet të regjistrohet edhe vaksina e tretë të cilën e ka zhvilluar Qendra Federale Shkencore për hulumtime dhe zhvillim të prodhimeve imunologjike dhe biologjike pranë Akademisë ruse të Shekncave, Chumakov.