Ulen temperaturat, Dardha mbulohet nga bora, problem në kilometrin e 9-të

Rikthehen reshjet e borës në fshatin turistik të Dardhës. Mësohet se reshjet e borës kanë nisur prej orëve të para të mëngjesit dhe sipas autoritetit lokal të rrugëve, në segmentin rrugor të Dardhës trashësia e borës ka shkuar deri në 3 cm, ndërsa problem shfaq kilometri i 9 deri në kilometrin e 12.

Ndërkohë në terren kanë dalë firmat kontraktore të cilat po punojnë për kriposjen dhe hapjen rrugëve.

Policia rrugore i ka bërë thirrje drejtuesve të mjeteve, të jenë të kujdesshëm në këtë segment për shkak të prezencës së borës dhe lagështirës ndërsa i ka rikutjuar të pajisen me gomat e dimrit.