Vrasja e 25 vjeçarit, Kryeministri Edi Rama vendos: Humbi jetën aksidentalisht, pension të posaçëm babait!

Ndonëse vrasja e 25-vjeçarit nga policia vazhdon të trajtohet nga gjykata dhe nuk është marrë ndonjë vendim dhe protestat kundër kësaj vrasjej vazhdojnë, Kryeministri Edi Rama vendosi ti jap fund kësaj historie duke i treguar edhe gjykatës se Klodian Rasha “humbi jetën aksidentalisht” ndërsa babait të të ndjerit, Qazim Rashës, ti jap një dëmshpërblim në formë pensioni sa 8-fishi i pensionit social për çdo muaj.

Ndryshe, vrasja e 25-vjeçarit Klodian Rasha shkaktoi protesta masive duke kërkuar dorëheqjen e Ministrit të Brendshëm, Sandër Lleshaj, dhe Drejtorin e Policisë, Ardi Veliu.

Sandër Lleshaj iku ndërkohë protestat vazhdojnë duke kërkuar largimin e Ardi Veliut i cili me veprimet e tij me policë ndaj protestës nxiti edhe më shumë zemërimin qytetarë ndërsa Kryeministri Edi Rama ndonëse nuk lëshoi një VKM, u bëri të qartë protestuesve ta harrojnë këtë kërkesë.