Levan-Fier, aksident i rëndë, humbin jetën dy persona

Një aksident i rëndë ka ndodhur në aksin rrugor Levan-Fier, kur një automjet i tipit “Toyota” ka dalë nga rruga, ku si pasojë kanë ndërruar jetë dy persona.

Mësohet se dy trupat e viktimave kanë qëndruar brenda makinës deri në mbërritjen e zjarrfikësve të cilët bënë të mundur dhe nxjerrjen e tyre

Viktimat janë një mashkull dhe një femër por policia raporton se ende nuk janë identifikuar

Njoftimi i Policisë:

Sot rreth orës 07:20, në vendin e quajtur “Kthesa e Qarrit”, automjeti tip “Toyota” ka rënë në kanalin me ujë anës rrugës. Si pasojë kanë ndërruar jetë dy shtetas (një mashkull dhe një femër) ende të paidentifikuar.

Shërbimet e Policisë, shërbimet zjarrfikëse dhe urgjenca mjekësore ndodhen në vendngjarje dhe po punojnë për nxjerjen e automjetit nga uji. Po kontrollohet vendi i ngjarjes nëse ka pasur persona të tjerë në automjet.