Arrestohet kryetari i Komunës Ulqin

Policia në Mal të Zi arrestoi kryetarin e Komunës Ulqin, Loro Nrekiq, dhe katër zyrtarë të tjerë lokalë. Policia nuk ka njoftuar ende zyrtarisht në lidhje me këtë rast, por Zv/Kryeministri, Dritan Abazoviç, i cili po kujdeset me luftimin e korrupsionit ndër shqiptar, e ka konfirmuar përmes rrjetit social Twitter.

“Kryetari i Ulqinit dhe degës lokale të Partisë Demokratike të Socialistëve është arrestuar, së bashku me disa zyrtarë të tjerë. Arsyeja: punësimi partiak. Nëse Gjykata të konfirmoj se si kanë ardhur deri tek fitorja. Qytetarët e kanë të qartë ,” tha Dritan Abazoviç duke shtuar se qeveria është e vendosur për t’i dhënë fund të gjitha abuzimeve.

Ndërkohë mediat raportojnë se përveç kryetarit Nrekiç janë arrestuar edhe Sekretarin për Financa të Komunës së Ulqinit, Sead Osmanoviç, Sekretarin për Aktivitete Komunale dhe Mbrojtje të Mjedisit, Mustafa Gorana, Drejtorin e Shërbimit të Mbrojtjes dhe Shpëtimit, Saubih Mehmeti, dhe Sekretarin e Policisë Komunale, Milazim Mustafa.

Nga viti 2018, pushteti lokal në Ulqin drejtohet nga koalicion i Partisë Demokratike të Socialistëve të Milo Gjukanoviç, dhe përderisa lufta antikorrupsion nuk filloi nga komunat kriminale që drejtohen nga serbët si Budva, Herceg Novi, Plevlja ose Andrejevica, tregon se kemi të bëjmë me një hakmarrje të pastër politike, aq më shumë kur arrestimet janë përqëndruar në Ulqinin me shumicë shqiptare, aty ku Abazoviç pësoi humbje të thellë duke marrë vetë 5.6% të votave.