Pas kërkesës së Presidentit Biden, largohet Drejtori i USAGM

Pak orë pasi u betua, Presidenti i ri i SHBA, Joe Biden, i kërkoi Drejtorit ekzekutiv të Agjencisë së Shteteve të Bashkuara për Mediet Globale, USAGM, Michael Pack, që të jap dorëheqje dhe ai u largua pa shërbyer as 8 muaj në këtë post.

Në një letër lamtumire për punonjësit, Pack tha se ishte përqendruar vetëm në riorientimin e agjencisë drejt misionit të saj dhe për të ndihmuar agjencinë që t’i tregojë botës rrëfimin për Amerikën në mënyrë objektive dhe pa paragjykime; Dhe, ngeli personi më i sulmuar pas emërimit nga Presidenti Trump, kur iu desht të pres dy vjet që ta miratoi Senati.

Pse Presidenti Biden i kërkoi dorëheqjen u sqarua me zëvendësimin e tij. Duke pasur parasysh se mandati i USAGM-së është të promovojë lajme të paanshme në mbështetje të lirisë dhe demokracisë jashtë vendit, emërimi i Drejtores së Programit të Zërit të Amerikës, Kelu Chao, program i cili në mënyrë sistematike promovoi urrjetje ndaj Presidentit të SHBA, tregon se Zonja Chao e ka kryer misionin e saj në mënyrë perfekte.

Viti e kaluar, Kelu Chao, dëshmoi në një proces gjyqësor rreth ndërhyrjes editoriale nga zoti Pack dhe ndihmësit e tij por kurrë nuk foli nëse kishte ndërhyrje të tilla nga Vladimir Putin ose Xí Jìnpíng, meqë në Zërin e Amerikës fillonin dhe mbaronin lajmet kundër presidentit amerikan dhe u heshtën bëmat e Presidentit të Rusisë ose edhe atij të Kinës.

Sidodoqoftë, kjo është Amerika të cilën e mundësoi demokracia dhe jo Joe me Kelun ose Biden me Chaon, që nuk janë asgjë më shumë se sa konsumatorë të një lirie që lejon edhe keqpërdorimin e saj.