Shuhet Larry King

Shuhet Larry King! Për vdekjen e gazetarit amerikan në moshën 87-vjeçare është bërë e ditur përmes një deklarate në llogarinë e tij në rrjetin social Twitter.

Ai ka rezultuar pozitiv në koronavirus më herët gjatë këtij muaji dhe ka qenë duke u trajtuar në një spital në Llos Angjelles.

Emisioni i Larry King në CNN “Larry King Live”, që ka ekzistuar në periudhën 1985-2010, është shikuar nga miliona persona. Ai njihet për intervistim të mijëra liderëve botërorë, politikanëve dhe artistëve për rrjetin televiziv amerikan, CNN dhe media tjera.

King është vlerësuar disa herë për punën e tij gjatë karrierës mbi 60-vjeçare, përfshirë dy çmime Peabody dhe një Emmy.