Përkujtimi i Holokaustit: Përballja me të keqen, imperative edhe sot!
Në Ditën e Përkujtimit të Viktimave të Nacional Socializmit, Kryetari i Partisë Demokratike, Lulzim Basha, duke përkujtuar viktimat e Holokaustit thekson se përballja me të keqen është imperative edhe sot.
“Sot në Ditën e Përkujtimit të Holokaustit, kujtojmë dhe nderojmë viktimat e Holokaustit dhe gjithë brezat e humbur prej tij. Qëndresa dhe përballja me të keqen është imperative edhe sot,” thekson Lulzim Basha në përkujtimin e tij përmes rrjetit social Twitter duke përfunduar:
“Sot, kur fatkeqësisht fuqia e propagandës është akoma shkatërrimtare!”
Ndryshe, 27 Janari, Dita e Përkujtimit të Viktimave të Nacional Socializmit, e cila zyrtarisht u prezantua në vitin 1996 nga Presidenti i atëhershëm Federal, Roman Herzog, është dita e përkujtimit të çlirimit të kampit të shfarosjes naziste Auschwitz.
