Ide gjeniale, çekët i regjistrojnë bar-restorantet si Zyra partie

Gati në gjithë Evropën bar-restorantet janë mbyllur për shkak të pandemisë. Pronarët protestojnë në mënyra të ndryshme. Fundjavën e kaluar në Vjenë ata hapën dyert e lokaleve dhe ndezën qirinjë, e kancelari i tyre u përcjell në Gjermani dhe Zvicër.

Por pronarët e bar-restoranteve në Çeki shkuan një hap tutje. Ndonëse lockdowni është në fuqi shumica e restoranteve dhe birrarive u hapën sot ndërsa iniciativa u quajt “Ngordhi qeni”, sipas shkurtesës së institutit epidemiologjik, PES, që në gjuhën çeke do të thotë: Qen!

Dhe jo vetëm kaq! Një grup i pronarëve të bar-restoranteve, pjesë e një iniciative të organizuar përmes internetit, ishin edhe më kreativ. Në fakt, ata themeluan parti politike dhe i bënë thirrje të gjitha bareve dhe restoranteve që të regjistrohen si Zyra të Degëve të partisë, ku anëtarët e partisë mbajnë mbledhje meqë aktivitetet politike nuk janë ndaluar.

“Çdo restorant që paraqitet do të regjistrohet si Degë e Partisë. Aty do të mbahen mbledhje, e klientët do të jenë anëtarë të partisë sonë. Mbledhjet e Degëve, partive politike dhe parlamentit janë përjashtuar nga ligji mbi gjendjet e jashtëzakonshme,” tha sot para gazetarëve lideri i lëvizjes së rezistencës së hotelierëve çek, Jiri Janeçek, raporton portali gastronomik Kulti i molusçeve blu.

Ndryshe, në valën e parë të koronavirusit janë regjistruar më shumë se 1.000 birrari, ndërsa pronarët nga disa shtete anëtare të BE paralajmëruan se po shqyrtojnë iniciativën çeke në mënyrë që t’i bashkangjiten.