Parashikimi i motit për datë 1 Shkurt, ja çfarë pritet

Parashikimi i motit për datë 1 Shkurt:

Sot priten reshje intensive në qarkun e Shkodrës dhe mesatare në qarqet e
tjerë. Në qarqet Kukës, Lezhë dhe Vlorë priten reshje lokalisht intensive.

Në verilindje dhe juglindje të vendit, reshjet mund të jenë në formë dëbore në lartësitë më të mëdha se 300m mbi nivelin e detit.

Sipas llogaritjeve të IGJEUM, nivelet e ujit në Liqenin e Shkodrës dhe Lumin Buna do të vazhdojnë të jenë të larta dhe të qëndrueshme. Në lumenjtë e tjerë në gjithë territorin pritet rritje e prurjeve, por nuk pritet rrezik i shtuar nga përmbytjet.

Era pritet të fryjë e lehtë deri mesatare, për momente deri e fortë, kryesisht në bregdet dhe zonat malore.

Temperaturat minimale dhe maksimale:

Në bregdet: 9 / 14 °C

Në vendet e ulëta: 7 / 11 °C

Në vendet malore: 2 / 8 °C