Pas takimit në Presidencë, Basha: Aleanca strategjike me SHBA, thelbësore për të ardhmen e Shqipërisë

Aleanca strategjike midis Shqipërisë dhe SHBA është thelbësore për sigurinë dhe të ardhmen e Shqipërisë, shprehet Kryetari i Partisë Demokratike, Lulzim Basha, pas mbledhjes së Zyrtarëve të Lartë të Sigurisë Kombëtare në Presidencë, ku të pranishëm përveç Presidentit Meta dhe Kryeministrit Edi Rama me anëtarët e kabinetit qeveritar, ishte e pranishme edhe Ambasadorja e SHBA, Yuri Kim.

“Takim i shkëlqyeshëm sot me Ambasadoren e SHBA, Yuri Kim, gjatë sesionit të NSC. Jam më krenar se kurrë për rolin tim për ta anëtarësuar Shqipërinë në NATO. Aleanca strategjike dhe miqësia e ngushtë midis Shqipërisë dhe SHBA është thelbësore për sigurinë dhe të ardhmen e Shqipërisë,” shprehet lideri i opozitës përmes rrjetit social Twitter duke përfunduar:

“Unë synoj ta çoj atë në nivele të reja!”