Taulant Dedja o po vjen o PD-së!
nga Agim Popoci
Taulant Dedja o po vjen o PD-së
Vallë o ku jan o k’to malet e Shqipes
S’ka se si të këndohet ndryshe teksa dëgjon atë pijanecin e Nexhmijes që flet për demokracinë dhe Të dërguarin e tij në Tropojë për shpëtimin e Shqipërisë nga mbetjet komuniste!
Për marksist-leninistin që doli pijanec nga Instituti e u bë kryeministër, Fatos Nano, fjalë të mira kishin vetëm të dehurit nga Partia, pjesa tjetër e shqiptarëve, kulakë e të deklasuar, kufoma me varrë dhe pa varrë, nuk presin asgjë nga një kriminel i këtij kalibri që prodhoj vetëm varre të reja; Dhe, një herë të vetme që nuk ishte varr i ri, doli President; Ishte, Bamir Topi!
Por shqiptarët që i karakterizon mungesa e kujtesës, harruan bëmat e këtij pijaneci dhe Të dërguarit të tij në Tropojë, dhe sot eksitohen kur Taulant Dedja shanë dhe akuzon Kryeministrin e tij, për të cilin gënjeu kur e vranë simbolin e vetëm të demokracisë që kishin shqiptarët.
Taulanti thotë se sot e kuptoi më në fund, falë Fevziut, pse Fatos Nano nuk u kërkoi kurrë falje as socialistëve dhe as shqiptarëve që ua la në derë Edi Ramën, të cilin e solli me thonj të paprerë nga Parisi me shumë lutje!
Por çuditërisht Taulanti nuk e kuptoi as sot pse nuk i kërkon falje demokratëve që gënjeu për llogari të vrasësit të Azem Hajdarit! Ose më saktë, nuk kërkoi falje, dhe meqë drejtësia nuk e prangosi, nuk u sqarua si mund të ishte Jaho Salihi edhe me të në Tropojë edhe para selisë së PD duke shkrepur plumbat mbi trupin e atij që e kishte dënuar me vdekje partia në pushtet.
Dhe jo vetëm kaq! Kur në muajin shtator të vitit të kaluar u publikua dosja e SHIK-ut mbi vrasjen e Azem Hajdarit, ku ndër të tjera thuhej se Taulant Dedja kishte deklaruar se “Jaho Salihi ishte mëngjesin e 13 shtatorit në Tropojë (7:15)” ishte e mjaftueshme për Të dërguarin e pijanecit ndonëse përfaqësuesit të OSBE në Bajram Curr i kishte thënë se “ata që akuzon PD si vrasës të Azem Hajdarit kanë qenë me mua në Tropojë dhe nuk kanë qenë në Tiranë.”
Ndoshta në këtë vend më e rëndësishme është se çfarë thotë SHIK-u se OSBE, por si mund të revoltohet një njeri më shumë me fjalët e pijanecit të Nexhmijes kur flet për partinë, se sa kur akuzohet si bashkëpunëtor në një vrasje që ngre shumë dyshime; Madje revolta me pijanecin e Nexhmijes shkon deri aty sa e çon të konvertohet në antikomunist për të shkatërruar Bllokun; Edhe pse dihet që epiqendra e Fatos Nanos dhe sebepit të tij që doli te Fevziu, tashmë është te Stadiumi Dinamo dhe nuk ka lidhje as me Bllokun e as me Vilën e atij debilit!
Sidoqoftë, Taulant Dedja aktivizoi një alarm edhe pse pa dashje. Mjaftoi të thuhet se Taulant Dedja po i vjen PD-së! Taulanti mund të ngrohet me ata demokratë që e duartrokasin, por nuk janë ata që dinë të lidhin besën dhe të përballen me partinë e taulantëve që përmbytën tokën shqiptare në gjak.
Vërtetë jo të gjithë ata që ishin në krah të Saliut, sot janë në krah të Lulit; Por, ata janë aty ku ishte dhe Azem Hajdari, me Shqipërinë.
Vërtetë Partia e Taulantit ka kohë që nuk ka dëgjuar brohoritjet e mijëra demokratëve, “Azem, Azem ti je gjallë”, por kur nuhatën aromën e humbjes së 25 Prillit, aktivizuan ndërmarrjen e tyre kriminale për ta ngatërruar misionin historik me qëllim që ta shpëtojnë përfundimisht Shqipërinë nga mbetjet komuniste! Por e keqja nuk qëndron vetëm këtu; Në këtë mision janë po ata hutaq që i kishte pijaneci i partisë në vitin 1997, kur dhe u bindën se me vrasjen e simbolit të demokracisë, Azem Hajdari, nuk do të ketë më as birë nëne e as birë nexhmije, që t’ia merr pushtetin.
Ripushtimi komunist i Shqipërisë më 1997 u bë me ca llogari gabim, që pijanecin me hutaqët e tij e zuri belaja, duke e çuar drejtë humbjes me ca rilindas që filluan ti ngatërrohen nëpër këmbë! Të nesërmen e rënies nga pushteti, pijanecit nuk i hapi më kush telefonin madje as ata miq që kishte në Bruksel, ku kishte krijuar dhe idenë se ka ndikim të madh. Rilindja e Edi Ramës sot është drejtë grahmave të fundit me po të njëjtin skenarë dhe nuk ka Të dërguar të Tropojës që e shpëton ndërsa telefonat e Brukselit qysh tani janë mbyllur.
Dje Neritan Ceka realizoi planin me sukses dhe turma devijoi rrugën nga Blloku, por sot Tulant Dedja nuk e devijon dot me asnjërin prej bandës së pijanecit edhe pse e denigrojnë Fatos Nanon deri në ekstrem. Këto mbetje së bashku me Edi Ramën e Ilir Metën mund të vazhdojnë të dalin te Fevziu, por nuk janë ata që do ta shpëtojnë Shqipërinë!
Është shumë vonë, janë të zhytur deri në fyt me gjak shqiptari, dhe fundi dihet; Ashtu siç dihet edhe fundi i Taulant Dedjes në kali, i cili nuk ka se si të përfundon ndryshe nga historia:
Taulant Dedja ku e ke lanë atin,
në Tropojë të Madhe e kam lanë të ngratin!
