Me operatorët turistik, Basha: Pas 25 Prillit…

Pas diskutimit me operatorët turistikë kryesor në Durrës rreth planit të Partisë Demokratike “Shqipëria fiton turizmin” Kryetari i PD, Lulzim Basha, siguroi sipërmarrësit e pranishëm se ashtu siç bashkëpunuan për të hartuar programin për turizmin, ashtu do të punojnë edhe pas 25 prillit për t’i bërë realitet angazhimet serioze të këtij programi.

“Shqipëria ka mbetur në vendnumëro me Edi Ramën. Vendi nuk ka bërë përpara në asnjë tregues, as në ekonomi, as në arsim, as në infrastrukturë. Profesionistët dhe rinia po largohen masivisht. Shqipëria ka mbetur në fundin e listës së vendeve në zhvillim,” konstaton Lulzim Basha duke shtuar se informoi sipërmarrësit me planin e PD për të zbatuar një normë të unifikuar të TVSH prej 6% mbi të gjitha kompanitë në sektorin e turizmit.

“Ne do të investojmë pa kursim në infrastrukturë, në furnizimin pa ndërprerje me ujë dhe energji elektrike dhe do të stimulojmë zgjatjen e sezonit turistik.

Operatorët turistikë shprehën entuziazëm për angazhimet e planit tonë “Shqipëria fiton turizmin”, tha Kryetari i Partisë Demokratike, Lulzim Basha, duke vlerësuar se ata janë të sigurt se me një qeveri që kujdeset për njerëzit, për ekonominë, për zhvillimin, investimet e tyre do të shpërblehen shumëfish, ndërsa përfundon:

“Në 25 prill, Shqipëria meriton të kthehet në rrugën e duhur, meriton të fitojë. Më 25 prill Rama humb dhe Shqipëria fiton.”