Sot, Ambasadoret e SHBA dhe Suedisë pozitive me COVID-19

Ambasadorja e SHBA në Tiranë, Yuri Kim, dhe ajo e Suedisë, Elsa Håstad, sot kanë rezultuar pozitive me COVID-19.

Ambasadorja e SHBA-së në Shqipëri, Yuri Kim, lajmin e ka dhënë vetë përmes rrjetit social Twitter duke shtuar se do të vijojë detyrat e saj dhe do të vetëizolohet në shtëpi për ditët në vijim.

“Miq, doja t’ju njoftoja se kam rezultuar pozitive me COVID-19. Unë do të vazhdoj të kryej detyrat e mia ndërsa do vetë-izolohem në shtëpi për ditët në vijim,” thekson Ambasadorja Yuri Kim duke përfunduar:

“Faleminderit për urimet tuaja dhe ju lutemi qëndroni vigjilentë për shëndetin tuaj!”

Ndërkohë edhe Ambasadorja e Suedisë në Shqipëri, Elsa Håstad, bënë të ditur se ka rezultuar pozitive me COVID-19.

“Sot është E Premtja Feministe. Sapo i testova pozitivisht me COVID-19. Unë do të qëndroj e izoluar dhe do të punoj nga shtëpia,” thekson Ambasadorja Elsa Håstad përmes rrjetit social Twitter duke përfunduar:

“Unë mendoj për të gjitha gratë që janë goditur jashtëzakonisht shumë gjatë pandemisë. Qëndro i sigurt!”