Video/ Krujë, digjet makina e Sekretarit të gjyqtares Enkeleida Hoxha

Është djegur makina e Sekretarit të gjyqtares Enkeleida Hoxha.

Mësohet se mbrëmjen e së enjtes, rreth orës 23:00, makina tip “BMW” në pronësi të Sekretarit të gjyqtares Enkeleida Hoxha, Igli Kani, është konstatuar në flakë ndërsa ndodhej në parkingun e qytetit të Krujës.

Makina ishte lyer me naftë dhe i është vënë flaka. Zjarri është konstatuar nga nëna e Igli Kanit ndërsa Sekretari i gjyqtares sot tha për mediat se nuk ka probleme apo konflikte me njeri.

Ndryshe, gjyqtarja Enkeleida Hoxha është arrestuar dhe është pezulluar nga detyra, pasi nga hetimet disamujore të SPAK rezultoi se ajo ndikonte në lirimin e personazheve të njohur të botës së krimit.

Njoftimi i policisë:

Më datë 18.02.2021, në orën 22:55, në Krujë, ka marë flakë dhe është djegur pjesërisht mjeti tip “BMW”, në pronësi të shtetasit I. K., 28 vjeç, banues në Krujë.

Paraprakisht dyshohet se ngjarja mund të ketë ndodhur aksidentalisht.

Grupi hetimor po punon për zbardhjen e rrethanave të ngjarjes dhe përcaktimin e shkakut të zjarrit.