Pas takimit me Osmanin dhe Kurtin, Balje: Kanë përkrahjen time!
Pas takimit me U.D. Presidenten e Kosovës, Vjosa Osmani dhe Kryetarin e Lëvizjes Vetëvendosje, Albin Kurti, Kryetarja e Bashkimit Socialdemokrat , Duda Balje, tha se do të përkrahë formimin e Qeverisë Kurti dhe zgjedhjen e Vjosa Osmanit presidente.
“Kemi pasur një takim shumë konstruktiv dhe kemi bërë marrëveshje për gjëra shumë të rëndësishme për neve boshnjakëve në Kosovë dhe partisë që unë udhëheq. Unë kam dhënë përkrahje edhe për formimin e qeverisë dhe votimin e presidentit,” tha Duda Balje duke e bërë të qartë se ka ma marrë dritën jeshile për të gjitha kërkesat që ka parashtruar në këtë takim konsultues me Osmanin dhe Kurtin.
