Dita e parë e lirisë!
nga Sali Berisha*
Sot shqiptarët në Shqipëri dhe kudo në botë festojnë 22 Marsin, ditën e parë të lirisë dhe demokracisë në shekuj dhe mijëvjeçare ekzistence.
Si sot 29 vjet më parë mbi 1.7 milionë të rinj, të reja, burra dhe gra, njerëzit më të shtypur, më të izoluar dhe më të mjeruar të planetit, nën udhëheqjen e Partisë Demokratike përmbysën me votën tyre të lirë në vendin më monist të botës, diktaturën orëelliane të Enver Hoxhës, Hitlerit shqiptar të Pasluftës.
Më 22 mars të vitit 1992 në ndamë epokat dhe nisëm udhëtimin tonë në rrugën e Lirisë dhe Dinjitetit njerezor dhe kombëtar, rrugën e mbrojtjes së interesit kombëtar dhe çështjes shqiptare si dhe hapjes, renditjes dhe integrimit të Shqipërisë ne krahun e miqve të saj të lirisë dhe proceset integruese europiane dhe euroatlantike.
PD dhe aleatët e saj me 22 mars të vitit 1992 erdhën në pushtet, në vendin e tretë më të varfër të globit, në të cilin të ardhurat për frymë ishin vetëm 204 dollarë në vit, me vetëm 4 milionë dollarë rezervë valutore dhe një borxh të jashtëm 500 milionë dollarë dhe papunësi që kalonte mbi 80% dhe një inflacion tre dhe katër shifror.
Diktatura 46 vjeçare më moniste e kohës kishte shkatërruar Shqipërinë pothuaj në përmasa apokaliptike dhe qartas më shume se sa kishin shkatërruar ndonjëherë ndonjë vend luftërat civile. Për të shpëtuar nga dhimbjet e tmerrshme të diktaturës së mjerimit në vitet 1990-1992 rreth një milion shqiptar u larguan nga Shqipëria me eksode biblike.
Kushtet, pra, në te cilat erdhi në pushtet PD ishin të jashtëzakonshme por më e jashtëzakonshme ishte fuqia e lirisë dhe vlerave të saj, dyert e të cilave hapën me votën e tyre të lirë shqiptarët.
Me përmbysjen e diktaturës komuniste, qeveria e PD, partisë qe kishte shpallur që në javën e parë të themelimit të saj para shqiptarëve dhe botës interesin kombëtar dhe çështjen kombëtare, gjer atëherë të tradhtuara, si yllin e saj polar vendosi këtë çështje në krye të programit të saj.
Ajo nxori Shqipërinë nga izolimi më i thelle, e lidhi në miqësi me SHBA dhe vendet tjera të lira.
PD tashmë në pushtet ndërkombëtarizoi me qeverinë e saj në samite të OSBE dhe OKB çështjen e Kosovës, konfirmoi në rezoluta të votuara me 2/3 në OKB të drejtën e qytetarëve të Kosovës për vetëvendosje, promovoi çështjen e të drejtave njerëzore dhe kombëtare të shqiptarëve në Maqedoni, Mal të Zi, Luginën e Preshevës dhe kudo në rajon.
Lokomotivë e integrimeve europiane dhe euroatlantike, qeveria e PD dhe aleatëve të saj anëtarësuan Shqipërinë në Këshillin e Europës dhe në dhjetra organizata ndërkombëtare si dhe firmosi ndër më të parat partneritetin për paqe me Aleancën e Atlanitkut të Veriut.
Në Letrën e tij të Bardhë të vitit 1996, Komisioni Europian duke vlerësuar suksesin e reformave do përzgjidhte Shqipërinë si vend i vetëm në rajon për ti hapur procesin e stabilizim asociimit në BE.
Në vendin e hiperkolektivizimit total qeveria e PD hodhi themelet e ekonomisë së tregut të lirë dhe të demokracisë, liberalizoi dhe privatizoi ekonominë, bëri 220 mijë familje shqiptare pronarë të apartamenteve të tyre dhe mbi 460 mijë familje në fshat, pronare të fermave të tyre si dhe qindra mijëra ndërmarrje të vogla dhe objekte u privatizuan.
Në fund të katër viteve në Shqipëri të ardhurat për frymë u katërfishuan dhe mbi 80% e prodhimit të brendshëm vinte tashmë nga sektori privat, u liberalizua kursi i këmbimit dhe u arrit stabilizimi monetar e inflacioni ra në një shifror, rezerva valutore u rrit rreth 35 here.
Në vitin 1997 Partia Demokratike njohu gabimin e saj historik të mosndalimit në kohë të skemave piramidale. Ajo iu kundërvu rebelimit komunist me mjete politike dhe përcaktoi zgjedhjet e përgjithshme si rrugë politike për zgjidhjen e krizës.
Në fushatën elektorale PS premtoi kthimin qindarkë për qindarkë të parave të humbura në skema piramidale. Kurse PD deklaroi se një borxh që nuk është marrë nga qeveria nuk mund të njihet. Në vitet 1997-2005, PD në opozitë qëndroi e pamposhtur para vrasjeve, akuzave dhe proceseve politike të drejtuesve të saj, përfshirë këtu edhe akuza monstruoze për krime kundër njerëzimit nga regjimi i atyre që erdhën me dhunë në pushtet.
Me fitoren e zgjedhjeve të përgjithshme në vitin 2005, PD në një rast unik në histori përzuri me votë nga pushteti ata që erdhën me dhunë dhe rebelim komunist.
Në 8 vite të qeverisjes së saj, qeveria e PD dhe aleatëve të saj firmosi dhe ratifikoi me Bashkimin Europian, Marrëveshjen e Stabilizim Asocimit, anëtarësoi vendin në NATO.
PD mbështeti fuqishëm e dha ndihmesë thelbësore në pavarësinë e Kosovës, lajmin për të cilin e shpalli në Tiranë, me të famshmën “time is noë” Presidenti George W Bush në vizitën e parë dhe historike të një presidenti të SHBA në Shqipëri.
Qeveria e PD dha kontribut thelbësor në njohjet ndërkombëtare të Kosovës.
PD erdhi në pushtet në një kohë kur bandat famëzeza shqiptare bënin ligjin në vend.
Qeveria e PD luftoi me zero tolerancë krimin e organizuar dhe bandat e tij. Vendosi para ligjit në 18 muaj mbi një mijë bosë dhe anëtarë të 206 grupeve dhe organizatave kriminale dhe bëri Shqipërinë një vend të sigurt.
Ajo luftoi me vendosmëri korrupsionin dhe arriti pragun e Korporatës së Mijëvjeçarit të qeverisë së SHBA, Shqipëria sipas UN ishte vendi i parë që vendosi sistemin e prokurimit dixhital sistem që do certifikohej nga vet UN.
Qeveria ndërmori reforma të thella e të suksesshme ekonomike si:
-ulja e tatim fitimit nga 25 në 10 %
-ulja e tatimit të ardhurave personale nga 23 në 10, pra vendosje të taksës së sheshtë prej 10 %,
-ulja e sigurimeve shoqërore nga 32% në 15% për punëdhënësin.
-ulja e tarifave doganore nga 6 në 1% ,
-u krijua one stop shop për regjistrimin e bizneseve dhe u arrit reduktimi i kohës dhe kostos së regjistrimit nga 42 ditë dhe 4 mijë euro në gjithsej 30 minuta dhe vetëm 1 euro,
-u krijua Qendra Kombëtare e Licencave dhe Lejeve pasi u hoqën mbi 2/3 e tyre.
U sanksionua në ligj nisma 1 euro pra për dhënien me 1 euro të tokës publike për investitorët e huaj të mëdhenj.
Të gjitha këto reforma siç pohojnë Komisioni Europian, Banka Botërore, FMN, IBRD etj. bënë që ekonomia e vendit, në kulmin e krizës ekonomike dhe financiare të botës, të vazhdojë të rritet dhe të mos njohë recesion.
-Papunësia njohu ulje progresive, ajo ra në 12.8%
-Numri i bizneseve u trefishua.
-Eksporti dhe investimet e huaja u rritën përkatësisht me 300% dhe 316%.
-Të ardhurat buxhetore u dyfishuan.
-Kredite për ekonominë u rriten 6 here.
Sipas Censusit të vitit 2011,
-343 mijë familje shqiptare kishin më shumë se një shtëpi.
-Shqiptarët në banesa për 1000 banorë lanë mbrapa 5 kombe të vendeve anëtare të BE.
Qeveria e PD dhe aleatëve të saj,
-rriti me 120-150% rrogat dhe
-100% pensionet e ulëta,
-ndërtoi dhe rindërtoi në mbarë vendin mbi 11 mijë km rrugë, pra siç thotë Komisioni Europian më shumë se i gjithë rajoni
-ndërtoi rrugën e Kombit,
-autostradën Tiranë – Elbasan në të cilat vetëm tunele janë 16 km,
-autostradat Lushnje – Fier, Levan – Vlorë, Levan – Tepelenë, Thumanë – Milot, superstradat Gjirokastër – Levan, Shkodër – Han i Hotit etj. etj.
-Ajo ndërtoi dhe rindërtoi 1300 shkolla e institucione arsimore,
-720 sisteme ujësjellësash dhe kanalizimesh,
-10 impiante të përpunimit të ujërave të zeza dhe
-400 qendra shëndetësore dhe spitale.
-U ndërtua terminali i aeroportit të Rinasit dhe më pas në fazën e dytë u dyfishua ky terminal.
-u ndërtua terminali i portit të Durrësit dhe
-u shpall fituese kompania që do thellonte portin për anije të mëdha gjerë në 50 mijë ton.
-U zgjeruan ndjeshëm portet e Sarandës, Vlorës, Shëngjinit
Krahas infrastrukturës energjia u bë një përparësi tjetër madhore e qeverisë së PD. Shqipëria superfuqi e vogël rajonale e energjisë së rinovueshme në rajon u bë moto e qeverisë së PD dhe aleatëve të saj
Nga fundi i vitit 2007 e në vazhdim,
-morën fund ndërprerjet e energjisë elektrike që më parëë ishin së paku 6-10 orë në dite.
-Shqipëria u bë vendi i dy projekteve gjigande energjetike;
-TAP, investimi aktual më i madh në Evropë, gazsjellësi që do sjellë gazin azer në Itali, dhe
-kaskadës së Devollit.
Qeveria,
-firmosi ndërtimin e 420 hidrocentraleve me koncesion nga kompanitë private, nga të cilat
-112 kanë përfunduar dhe japin,
-mbi 40% të prodhimit të energjisë së vendit dhe,
-87 janë në ndërtim e sipër.
-Shqipëria dixhitale është një nga realizimet madhore të qeverisë së PD.
-Në vitin 2006, përdorimi i internetit në Shqipëri ishte vetëm 4.8% ndërkohë u rrit në 63% në vitin 2012,
-interneti dhe kabinetet e informatikës u shtrinë në çdo shkollë,
-u garantua internet falas për popullatën në 1250 zyra në mbarë vendin,
-u ulën 3 – 5 herë çmimet e bisedave me celular,
-u licensuan dy kompani dhe u shtri në mbarë vendin teknologjia 3G, u përgatit kuadri për 4 G
U inagurua portali ‘e albania’ u instalua ‘e government’
Reforma transformuese u realizuan në arsimin e vendit.
Numri i studentëve nga viti 2006 në vitin 2013 u rrit nga,
-12 në 50 për 1000 banorë,
-70% e maturantëve hynin në Universitet.
Trupa akademike universitare u rrit nga
-6 000 ne 10.500.
Ndjekja e shkollave të mesme u rrit,
nga 69 në 86%.
U ndërtuan dhe rindërtuan mbi 1300 shkolla kopshte dhe objekte arsimore.
Në Shqipërinë rurale në 8 vite u investuan 3.2 miliardë euro
Në zonat rurale u ndërtuan:
-mbi 8 mijë km rrugë rajonale, dytësore dhe të treta.
-mbi 1 mijë shkolla e kopshte,
-630 ujësjellës dhe kanalizime,
-qindra km kanale vaditëse dhe kullues dhe u subvencionuan 45 mijë projekte në bujqësi e blegtori, gjë që bëri të mundur,
-të mbillen rreth 11 milionë rrënjë ullinj dhe
-miliona rrënjë molle, arra, vreshta dhe dru të tjerë frutor.
Prodhimet bujqësore në tërësi u mbrojtën,
u ulën ndjeshëm importet u mbi dyfishua toka e punuar,
eksportet bujqësore u rritën 3 herë.
Shqipëria turistike ishte një realitet i ri.
Numri i turistëve dhe vizitorëve nga 300 mijë që ishte në vitin 2004 u rrit në 4.7 milionë në vitin 2012.
Shqipëria, e cila në vitin 1992 ishte vendi i tretë më i varfër i planetit së bashku me Ugandën dhe Angolën, nga viti 2008 kaloi në grupin e vendeve më të ardhura të mesme të larta.
Që nga viti 1992 ajo është rritur 21 herë ndofta më shpejtë se çdo vend tjetër.
Pas një rënie të madhe pas vitit 1997 popullata në Shqipëri nga viti 2007 gjerë në vitin 2014 u rrit progresivisht.
Shqipëria ende nuk ishte një vend i zhvilluar por ajo linte mbrapa disa vende të zhvilluara në vdekshmërinë amtare njëshifrore, vdekshmërinë në përgjithësi, jetëgjatësinë mesatare të popullatës dhe arriti të ketë vdekshmëri infantile njëshifrore.
Me reforma serioze të gjithanshme dhe suksesin e tyre u plotësuan të gjitha kushtet dhe u hoqën vizat me BE, si dhe mori në tetor të vitit 2012 dhe në tetor të vitit 2013 rekomandimin e Komisionit Europian për statusin e vendit kandidat, të cilin e bllokoi Edi Rama duke refuzuar të votojë në parlament tre ligjet e ndërmjetësuara dhe dakortësuara me Komisionin Europian.
Në vitin 2013 shqiptaret me vullnetin e tyre hodhën poshtë kontratën me PD dhe Sali Berishën dhe votuan për një kontratë tjetër.
Respektova plotësisht vendimin e tyre dhe mora vendimet e duhura.
Por me ardhjen në pushtet në vitin 2013 të Edvin Kristaq Ramës dhe bastardëve të tjerë, të bllokmenëve hoxhistë gjatë 8 viteve të tyre
në pushtet me politikat që ndoqën, arritën:
1-Të shndërrojnë Shqipërinë në Kanabistan apo Kolumbinë e Europës dhe,
2-Në qendrën operacionale të organizatave kriminale të Europës, SHBA, Amerikës Latine dhe Lindjes së Mesme
3-Të ndërtojë narkoshtetin e parë në Europë në vend të shtetit ligjor dhe,
4-Të vendosin në Shqipëri sundimin e mafies, trafikantëve, vrasësve, përdhunuesve në qeveri, parlament, polici, etj etj.
5-Të largojnë nga Shqipëria mbi 430 mijë shqiptar në 6 vitet e fundit.
6-Të vjedhin dhe shpërdorojnë me tenderat, koncesionet, ppp mbi 3.2 miliardë euro.
Ata sot me buxhetin e shtetit ndërtojnë autostradë në fushë me 24 milionë euro/ km ndërkohë që po sot në Shqipëri me financimin e Bankave Europiane ndërtohen autostarda me 2.1 milionë euro km dhe e tëra kjo vetëm e vetëm se vjedhin.
Vetëm Baxhanaku i Ramës, Frangu, Vilma Nushi, Ilir Beqja, Gjici dhe Fusha kanë fituar 1800 tendera.
7-Në 8 vite nuk kanë përfunduar dot plotësisht asnjë nga veprat publike të lëna në ndërtim e sipër dhe nuk kanë nisur dot asnjë vepër të re vet!
8-Janë larguar nga vendi investitorë të mëdhenj të huaj.
Në 8 vite të pushtetit të tyre të krimit, asnjë investitor serioz i huaj nuk ka investuar në Shqipëri. Përveç këtyre, Edi Rama arriti,
9-Ti fusë thikë mbas shpine dhe të mbështesë për llogari të Serbisë së Madhe ndarjen e Kosovës dhe,
10-Të bllokojë për 7 herë me radhë hapjen e negociatave me BE dhe
11-Të rrisë nga 5 në 15 kushtet që duhet të plotësojë Shqipëria për çeljen e negociatave, dhe, së fundi
12-Detyroi vendet themeluese të BE të kërkojë për herë të parë rikthimin e vizave për qytetarët e Shqipërisë dhe kjo nuk ka ndodhur kurrë për asnjë prej dhjetra vendeve që gëzojnë liberalizimin e vizave me BE.
13-Bllokoi për shkak teë krimit të organizuar të Shqipërisë edhe liberalizimin e vizave të Kosovës me BE.
Të dashur miq, ne nderojmë sot 22 Marsin e vitit 1992 në prag të zgjedhjeve të përgjithshme që do mbahen me datën 25 prill.
22 marsi është frymëzimi për demokratët dhe mbarë forcat opozitare që të shndërrojnë këtë fushatë elektorale nën udhëheqjen e Lulzim Bashës, në fushatën e ndryshimit të madh dhe fushatën e fitores së thellë mbi regjimin e kakistokracisë.
Nderim përjetë të gjithë atyre që më 22 mars të vitit 1992 përmbysën me votën e tyre të lirë diktaturën më barbare që shqiptarët kanë njohur në tërë historinë e tyre!
Fitore!
*Ish-Kryetar i PD
