Pas takimit me GP, Abdixhiku: LDK do të marrë pjesë në seancën për zgjedhjen e Presidentit

Pas takimit me Grupin Parlamentar të ku dhe u komunikua vendimi i Kryesisë, Kryetari i Lidhjes Demokratike të Kosovës, Lumir Abdixhiku tha se është vendosur që LDK të marrë pjesë në seancën e Parlamentit të Kosovës kur do të votohet presidenti.

“Pas një diskutimi të hapur, të gjithë bashkërisht kemi marrë vendim që LDK nuk do të bëjë obstruksione në zgjedhjen e presidenti të vendit, dhe LDK të marrë pjesë në votimin për presidentin, ky është vendim i Kryesisë i votuar me shumicë absolute,” tha Lumir Abdixhiku duke shtuar:

“Pres që secili deputet të respektojë vendimin e shumicës dhe pres që nga secili deputet të sillen si institucionalit dhe ta kapërcejnë veten dhe çfarëdo hidhërimi që mund të kenë.”