Presidenti dekoron kriminelin Mehdi Bushati, i burgosuri politik Gëzim Peshkëpia kthen dekoratën
Pas dekorimit të kriminelit komunist Mehdi Bushati nga Presidenti i Republikës, Ilir Meta, dhe reagimit të Shoqatës së Përndjekurve Politik Antikomunistë të Shqipërisë se “Kalorës i Flamurit” është dekoruar një xhelat famëkeq i Sigurimit të Shtetit, simboli i rezistencës së regjimit komunist, i burgosuri politik Gëzim Peshkëpia i fyer nga ky veprim i Presidentit i kthen dekoratën që mbante me krenari.
“Kete dekorate te larte te shtetit shqiptar e kam mbajtur me krenari e nderim me nje kornize ne studion time te varur ne mur ketu ne Gjermani. Them “e kam mbajtur” sepse nuk e mbaj me. Ate e hoqa dhe do ua kthej fizikisht ne çastin me te pare te mundshem,” shkruan Gëzim Peshkëpia në Letrën drejtuar Presidentit duke shtuar se ajo i përvëlon duart kur e di se të njejtën si motër e mban një kriminel.
“Mehdi Bushati eshte nje xhelat konkret, jo figurativ. Ai le te veshi kostum futbollisti apo diplomati nuk e ndryshon dot fytyren. Ate ia kane treguar shume bashkëvuajtes te mi qe jane qelluar me shqelma ne koke e trup, jane kafshuar si prej kanibalesh qe i kafshonin e me gojen plot gjak i peshtynin ne fytyre. Duhet t’i kini lexuar. Si iu ben zemra e nuk iu dridhet dora te firmosni ate dekret,” thekson Peshkëpia duke i kujtuar Presidentit se dëshmitarët për këtë sadist të lindur i cili demonstrojë shtazërinë e tij monstruoze janë gjallë dhe Mehdiu meriton gjyq e jo dekoratë.
Në fund, ish i burgosuri politik dhe anëtar i Bordit të Institutit studimit të krimeve të komunizmit, Gëzim Peshkëpia i kërkon Peesidentit ta anuloj dekoratën:
“Zoti President eshte ne nderin tuaj ta anulloni kete dekorate. Bejeni qe mos t’jua mallkojne DOREN me te cilen firmoset.”
Letra e plotë:
Zoti President,
Mora vesh per dhenien nga ana tuaj te dekorates se larte “Kaloresi i urdherit Gjergj Kastrioti-Skenderbeu” kriminelit Mehdi Bushati.
Turp !
Kete dekorate te larte te shtetit shqiptar e kam mbajtur me krenari e nderim me nje kornize ne studion time te varur ne mur ketu ne Gjermani. Them “e kam mbajtur” sepse nuk e mbaj me. Ate e hoqa dhe do ua kthej fizikisht ne çastin me te pare te mundshem.
Te dy dekoratat jane ekuivalente, por ndryshimi qendron tek mbajtesit e tyre.
Njera i akordohet nje familje te persekutuar keq nga regjimi komunist, ndersa tjetra nje persekutori sadist.
Edhe pse nuk me eshte dhene personalisht nga i njejti President une ate e kam konsideruar nga shteti shqiptar, institucioni i Presidences si perfaqsuesja e tij.
Ajo me pervelon duart kur e di se te njejten si moter e mban nje kriminel.
Kjo ne kete rast fyen sedren, lendon plagen e vuajtjes se familjes time, qindra e mijra familjeve te tjera, lendon nje plage te pashembellt ne histori.
Mehdi Bushati eshte nje xhelat konkret, jo figurativ. Ai le te veshi kostum futbollisti apo diplomati nuk e ndryshon dot fytyren. Ate ia kane treguar shume bashkëvuajtes te mi qe jane qelluar me shqelma ne koke e trup, jane kafshuar si prej kanibalesh qe i kafshonin e me gojen plot gjak i peshtynin ne fytyre. Duhet t’i kini lexuar. Si iu ben zemra e nuk iu dridhet dora te firmosni ate dekret
Ky sadist i lindur gjeti rastin te demonstroje shtazerine e tij monstruoze vetem ne saj te krushqise me familjen e nr. 2 te diktatures Hysni Kapo.
Deshmitaret kundra tij jane gjalle. Nder te tjere jane te internuarit e Lushnjes. Mehdiu meriton gjyq e jo dekorate.
Zoti President eshte ne nderin tuaj ta anulloni kete dekorate. Bejeni qe mos t’jua mallkojne DOREN me te cilen firmoset.
Ish i burgosur politik
Antar i Bordit te Institutit studimit te krimeve te komunizmit
Gezim Peshkepia
