Zgjedhja e Presidentit të Kosovës, asnjëri nga kandidatët nuk merr 2/3 e votave. Vazhdon procesi…

Vazhdimi i seancës për zgjedhjen e Presidentit të Kosovës filloi me pjesëmarrje më të mirë se në përpjekjen e parë të së shtunës, ku sot nga 84 deputetë prezent gjithsejtë votuan 81 deputetë.

Për Vjosa Osmanin votuan 69 deputetë, për Nasuf Bejtën asnjë ndërsa të pavlefshme ishin 12 vota.

Pasi në raundin e parë asnjëri nga dy kandidatët nuk mori 2/3 e nevojshme, procesii zgjedhjes së Presidentit vazhdoi me raundin e dytë.

Në raundin e dytë votuan 82 deputetë, 67 prej të cilëve votuan për Vjosa Osmanin, 4 për Nasuf Bejtën ndërsa të pavlefshme ishin 11 vota.

Pra, sërish asnjëri prej kandidatëve nuk mori 2/3 e votave të nevojshme.

Procesi vazhdoi me raundin e tretë ku President i Kosovës do të zgjedhet ai kandidat që ka shumicën e thjeshtë, pra 61 vota.