Protesta në mbrojtjen e Teatrit/ Derhemi: Do jetë verë e nxehtë, Rama mos guxojë të afrohet (video)

Do të bëjmë çdo gjë për të mbrojtur Teatrin, duke përfshirë edhe grevën e urisë. Ishte kjo deklarata e bërë pasditen e sotme nga aktori i njohur Arben Derhemi, në protestën e përditshme të artistëve për mbrojtjen e Teatrit Kombëtar.

“Të vijnë të gjithë njerëzit të protestojnë këtu. Kjo verë tha dikush do jetë shumë e nxehtë.

Mos guxoni t’i afroheni Teatrit Kombëtar as edhe me një shkrepse se kjo nuk merr flakë, harrojeni,” tha Derhemi.

Aktori në mënyrë ironike para se të perfomonte një monolog nga pjesa e “At Zef Pllumit” të cilën e ka luajtur në Teatër tha: “Po merremi më shumë vesh me kafshët se sa me njerëzit”.

Në mbështetje të artistëve dhe aktorëve ka dalë edhe kreu demokrat Lulzim Basha.

“PD në krah të artistëve, kundër grabitjes së pronës publike nga Rama dhe mafia e ndërtimit”, shkruan Basha në rrjetet sociale.