Shkëmbim zjarri në Mamurras, 2 policë të plagosur dhe 1 qytetar

Të shtëna më armë janë regjistruar sot në Mamurras, ku për pasojë janë plagosur dy punonjës policie dhe një qytetar.

Mësohet se të plagosur kanë mbetur efektivët e policisë, Ilir Zeka dhe Flamur Lleja, ku njëri është plagosur me armë dhe tjetri me sende të forta. Ndërkohë, burime bëjnë me dije se ka pasur shkëmbim zjarri mes policisë dhe disa personave.

Mësohet se policët janë jashtë rrezikut për jetën.

Drejtori i Policisë së Shtetit, Ardi Veliu, Drejtori i Departamentit të Policisë Kriminale, Tonin Vocaj, dhe grupe të Forcave të Ndërhyrjes së Shpejt në Shkodër, janë nisur drejt Mamurrasit.

Në vendngjarje ka mbërritur grupi hetimor nën drejtimin e Prokurorisë për të sqaruar rrethanat e ngjarjes. Të plagosur mbetën dy policët Flamur Lleja dhe Ilir Zeka, si dhe shtetasi Nikoll Vorfi, ndërsa që policia ka ngritur menjëherë pika kontrolli në disa akse rrugore.