Aksident i rëndë në Gjakovë, 3 të vdekur, njëra prej viktimave nga Shqipëria

Një aksident i rëndë rrugor ka ndodhur sot në fshatin Raçë të Gjakovës, ku për pasojë kanë mbetur të vdekur 3 persona.

Mësohet se automjeti tip ‘Ford’ ku udhëtonin tre viktimat, u përplas me urën dhe doli nga rruga. Shkak i aksidentit mendohet të jetë shpejtësia tej normave dhe lagështia në rrugë.

Lajmin e ka konfirmuar për KosovaPress, zëdhënësi i Policisë për rajonin e Gjakovës, Nusret Gjurkaj, i cili nuk ka dhënë detaje tjera se si ka ndodhur rasti, pasi thotë se nuk kanë ende informata të sakta ndërkohë janë identifikuar viktimat e aksidentit: Rokson Domgjonaj, Pjetër Ndrecaj dhe bashkëshortja e tij nga Shqipëria, Blerina Meqaj.