A e meriton politika Europën? Vlahutin: Shqiptarët meritojnë BE

Ambasadorja e BE-së Romana Vlahutin është pyetur nëse politika shqiptare e meriton Evropën e në përgjigje, diplomatja tha se ata që e meritojnë Bashkimin Evropian janë shqiptarët.

Vlahutin foli gjatë një vizite të zhvilluar në Shkodër, në kuadër të festës së luleve që u zhvillua sot atje.

“Ky është fillimi më i bukur i javës së Evropës këtu. Kam ardhur me një pjesë të ambasadorëve të vendeve anëtare, jam e lumtur. Shkodranët janë evropianë prej qindra shekujsh, shqiptarët janë evropianë, ajo që duam të bëjmë është që të sjellim standardet europiane këtu”, tha ambasadorja Vlahutin.