A e thumboi edhe Ambasadorin amerikan, Sajmir Tahiri …
Gjatë konferencës për mediat nga Kryesia e Kuvendit, Sajmir Tahiri nuk ka kursyer kritikat as në drejtim të ambasadorit amerikan Donald Lu.
Në një moment gjatë fjalimit të tij, ku njoftoi dorëzimin e mandatit të deputetit, Tahiri ka folur edhe për arrestimin e peshqve të mëdhenj, një shprehje kjo e përdorur nga Ambasadori Lu.
“Rrinë e dëgjojnë garat se kush e kap peshkun më të madh, kush e kap peshkun më të madh, ca thonë bandat në pushtet, ca në parlament, ambasadorët lart e poshtë flasin për mafiozë.
Ministri i Brendshëm numëron bandat në televizor, një tmerr që të largohesh e të marrësh valixhet. Në Itali ka më shumë mafiozë se në Shqipëri, por në Itali nuk dëgjojmë ministrin e Brendshëm Italian të numërojë grupet mafioze…”, tha Saimir Tahiri.
