Dita e 13-të e Kupës së Botës 2026, Ronaldo kërkon golin e parë, Kroacia pikët e para

Dita e trembëdhjetë e Kupës së Botës 2026 hapet në orën 19:00 me përballjen e Portugalisë me Uzbekistanin, ku portugezët do të mundohen të korigjojnë gabimin nga raundi i parë ndërsa Ronaldo kërkon të shënoj golin e parë! Anglezët do të kërkojnë një tjetër fitore kundër Ganës në orën 22:00, ndërsa pas mesnatës Kroacia luan ndeshjen vendimtare kundër Panamasë në orën 01:00. Dita përmbyllet jo me më pak interes, ku në mëngjesin e orës 06:00, Kolumbia do të përballet me Kongojn duke përmbyll dhe raundin e dytë.

Portugali-Uzbekistan, është një ndeshje që pritet me shumë interes jo për shkak të cilësisë por sepse Portugalia, veçanërisht Cristiano Ronaldo, është nën presionin e publikut, pas barazimit të turpshëm kundër Kongos në raundin e parë.
Kjo është një mundësi ideale që Ronaldo të hedh poshtë kritikët, të cilët theksojnë se ai i bën më shumë dëm sesa dobi ekipit të tij kombëtar, në një ndeshje kundër një debutuesi në Kupën e Botës.

Ndërkohë Uzbekistani ka një aset sekret në stol, njeriun që si kapiten e udhëhoqi Italinë drejt titullit në Kupën e Botës në vitin 2006, Fabio Kanavar.

Anglia përballë Ganës vjen pas ndeshjes kundër Kroacisë ku anglezët vërtetuan se çfarë force sulmuese janë nën drejtimin e trajnerit Tomas Tuhel. “Gordi Albion” ka treguar se me të drejtë është projektuar në rrethin më të ngushtë të ekipeve që pritet të arrijnë në finale, kështu që do të jetë një favorit i fortë në këtë ndeshje.

Për Ganën, shmangia e humbjes do të ishte një sukses i madh dhe një hap përpara në luftën për vendin e dytë në grup, ku vazhdon të jetë në garë me Kroacinë.

Pas suksesit të madh në dy Kupat e Botës të mëparshme, Kroacia ka ambicie të mëdha, dhe çdo gjë përveç një fitoreje kundër Panamasë do të konsiderohej një dështim.

Nga ana tjetër, Panamaja, ndonëse në ndeshjen kundër Ganës pësoi golin vendimtar në kohën shtesë, tregoi se është një ekip konkurrues, kështu që Kroacia mund të ketë probleme të mundshme në këtë ndeshje.

Dueli i fundit i ditës, i cili luhet në Zapopan të Meksikës, mund të jetë edhe ndeshje e surprizës në përmbyllje të raundin e dytë. Kolumbia është favorite si një kombëtare me shumë përvojë, por përzgjedhja afrikane tregoi disiplinë dhe sakrificë në barazimin me Portugalinë, kryesisht në mbrojtje, kjo e bëë që të zgjedhurit e Nestor Lorenzos të mos e kenë një detyrë të lehtë .