Dita e Kushtetutës, Ambasadori Hovenier: Jemi partnerë me popullin e Kosovës!
Duke uruar Kosovën në 16 vjetorin e miratimit të Kushtetutës, Ambasadori amerikan në Prishtinë, Jeffrey Hovenier, tha se Shtetet e Bashkuara janë krenare që janë partnerë të popullit të Kosovës për ta arritur vizionin e përcaktuar në Kushtetutë.
“Gëzuar Ditën e Kushtetutës, Kosovë! Kosovarët e kanë mishëruar në kushtetutën e tyre vendosmërinë për të ‘ndërtuar një të ardhme të Kosovës si vend i lirë, demokratik e paqedashës, që do të jetë atdhe për të gjithë qytetarët’,” thekson Ambasadori i SHBA në Prishtinë në urimin e tij përmes rrjetit social X duke u shprehur krenar për mbështetjen amerikane për Kosovën!
“Jemi krenarë për mbështetjen tonë teksa jemi partnerë me popullin e Kosovës për ta arritur vizionin e përcaktuar në Kushtetutën e Kosovës.”
Ndryshe, Kushtetuta e Republikës Kosovës u ratifikua nga Parlamenti më 9 prill të vitit 2008 dhe hyri në fuqi më 15 qershor 2008.
