Grushti i shtetit brenda shtetit, Berisha: Duhet të anulohet me të gjitha mjetet!

Është bërë një grusht shteti brenda shtetit, tha sot Kryetari i Partisë Demokratike, Sali Berisha, duke folur për mundësinë e kontrollit parlamentar që i është hequr Parlamentit, ndërsa paralajmësoj se opozita do të qëndrojë absolutisht me të gjitha mjetet deri në anulimin e Grushtit të shtetit.

Në daljen e sotme publike Kryetari i Partisë Demokratike ka publikuar skandalin ku Kryeministri Edi Rama ka firmosur katër vendime të personalizuara për grabitjen e tokës së bashku me Bolinon, dhe ishte SPAKU që ftoi Bolinon si dëshmitar të rremë në dosjen “Partizani”.

Me këtë rast, lideri i opozitës e bëri të qartë se janë në këmbë, në betejë pa kthim, për t’i dhënë reston hajdutit që preku zgjedhjet!

“Jam besimplotë te demokratët dhe i vendosur të respektoj çdo vendim të tyre.

Për vjedhjen e zgjedhjeve të 14 majit, në kod dhe moral, në ligj dhe moral, mban përgjegjësi vetëm ai që vjedh.

Dita e zgjedhjeve nuk është provë force, është ditë integriteti, është garë që bazohet në ligjin e asgjësuar nga Edi Rama.

Duke thënë këtë, Sali Berisha mban përgjegjësi për çdo lloj dobësie të shfaqur gjatë fushatës, ditën e zgjedhjeve dhe me radhë.

Por për vjedhjen nuk ka askush përgjegjësi pse hajduti vjen dhe vjedh. JO! Përgjegjësinë e ka hajduti dhe ne duhet të mësohemi t’i japim përgjegjësinë atij që e meriton.

Dhe ne do ia japim, prandaj jemi në këmbë, jemi në betejë pa kthim, për t’i dhënë reston hajdutit që preku zgjedhjet.

Deputetët janë të ftuar pa përjashtim që të gjithë, por varet nga vendimi i tyre. Nëse nuk vijnë, janë të mirëpritur, nëse vijnë, janë të mirëpritur dhe do vijnë,” tha Sali Berisha Berisha: Vendimi i një gjykatëseje të shkarkuar për të marrë pushtetin e parlamentit dhe për t’ia dhënë atë Ramës, përbën një puç

“Kjo është një thirrje e Sali Berishës për të bërë çdo gjë për të përmbysur bandodiktaturën, narkodiktaturën, e cila ka kaluar në format më ekstreme të uzurpimit të sovranitetit të brendshëm kombëtar.

Ka realizuar një grusht shteti të mirëfilltë brenda shtetit dhe këtë grusht shteti nuk e ka bërë për të marrë pushtetin e presidencës, sepse atë e ka në xhep; nuk e ka bërë për të marrë pushtetin e gjyqësorit se ata i ka në kontroll të plotë, këtë gusht shteti e ka bërë për të marrë pushtetin e opozitës dhe parlamentit.
Sovraniteti i një vendi, i brendshmi, në të gjithë fjalorët politikë të botës, përcaktohet si fuqia e popullit apo e qytetarëve për të kontrolluar qeverinë e tyre.

Bllokimi që Edi Rama u bën komisioneve hetimore parlamentare është bllokimi i fuqisë së qytetarëve për të kontrolluar qeverinë e tyre. Ky është përqendrim i të gjitha pushteteve në një dorë, asgjësim i sovranitetit të brendshëm, është mohim i të drejtave bazë kushtetuese të parlamentit dhe marrje e pushtetit të parlamentit.

Vendimi i larove të SKAP-it dhe gjykatëses së Edi Ramës tregon një marrje të pushtetit të parlamentit. Nuk është imuniteti atribut personal i deputetëve, imuniteti është atribut që Kushtetuta i jep parlamentit, në mënyrë që në padrejtësi apo në përpjekje për të marrë pushtet, askush të mos cenojë dot funksionimin e tij.

Dhe unë këtë e them edhe njëherë, në rastin konkret, vendimi i një gjykatëseje të shkarkuar nga Sali Berisha, por nuk ka rëndësi edhe po të mos jetë shkarkuar, për të marrë pushtetin e parlamentit dhe për t’ia dhënë atë Edi Ramës, përbën një puç të vërtetë dhe krim kushtetues.

Ata të cilët, unë e them prapë, nuk ka diskutim që ruaj respektin më të madh për zyrtarët bëjnë detyrën dhe që zbatojnë ligjin, por ata që bëhen avoketër të këtyre akteve antikushtetuese si lakenj të Edi Ramës, ata në mënyrë absolute do të trajtohen si ekstremistë të tij dhe pa asnjë lloj ndryshimi,” tha Kryetari i Partisë Demokratike, Sali Berisha, duke përfunduar:

“Pra, jemi në këto kushte. Është bërë një grusht shteti brenda shtetit. Parlamentit i është hequr mundësia e kontrollit parlamentar, atëherë opozita do të qëndrojë absolutisht me të gjitha mjetet dhe të mos ketë kush iluzion për këtë.

Sigurisht nuk do ndodhë nesër, por ajo do ndodhë dhe ju garantoj se lëvizja kësaj radhe do jetë nga ato që nuk i ka parë ndonjëherë vendi.

Gjithnjë në kuadrin e mosbindjes civile.

Përmbysja e diktaturës prevalon mbi gjithçka tjetër. Grushti i shtetit duhet të anulohet me të gjitha mjetet.”