Hakërrim i Edi Ramës!

Tha, që nuk ka kriminelë në Parlament, dhe ju hakërrue opozitës për shpifje. Kur u miratua ligji i dekriminalizimit, dhe na dolën gjihë ata “të besuar të popullit” me tesere të Rilindjes dhe të skeduar nga policia, e quajti një fitore të qeverisë ; Tha, që nuk ka drogë në Shqipëri, iku me Lazaratin, dhe nuk la foto pa tundur të Guardia di Finanza që kishte bërë nga ajri. Avionët me drogë që denoncoi opozita i quajti mushkonja, kur ngecën në rërën e bregdetit shqiptar, shpiku një skandal, sikur po mbulonte gjithë ato vjellje që kishte bërë në adresë të kundërshtarëve; Tha, që Beqja ka reformuar Shëndetësinë dhe e mbrojti për tenderat kriminal, akuzoi opozitën por ishte ministri i parë të cilit i dha shkelmin bythëve; Tha, që Saimiri nuk është kriminel edhe kur i dolën përgjimet e shërbimeve italiane, sërish u hakërrue në opozitën se po baltos vendin dhe mbrojti krimin. Kur dolën edhe raportet e Shërbimit Informativ që dëshmonin se droga po tregtohej gjithandej, shkarkoj kreun e këtij Shërbimi dhe vazhdoj ta mbroj krimin. Vendosi traun në Rrugën e Kombit, dhe ata qytetarë të Kukësit, Hasit dhe Tropojës që shprehën paknaqësinë ndaj taksës së pakuptimtë që vuri së bashku me traun i arrestoj.

Pas disa ditësh kërkoi falje për taksën që kishte vendos por i la në burg të gjithë ata që kishin “zbuluar” gabimin e kësaj qeverisje kriminale; Dhe, në fund, mbronë edhe “Pashain e Vlorës”, për të cilin nuk duhet shpenzuar gjithë kjo energji, që bënë opozita, sepse dihet kush është ai dhe fuqinë që ka në qytetin më të rëndësishëm bregdetar të skafeve me drogë dhe njerëz.

Ky është Edi Rama që për dështimet e gjashtë viteve që shkuan, vetëm sa identifikoi dhe akuzoj fajtorë, dhe vendin e dorëzoi në duart e krimit. Duke e varfëruar popullin, duke e poshtëruar, duke e përbuzur dhe në fund duk i shuar edhe shpresën.

“Që nga Korça gjer te Shkodra mbretëron një errësirë, 
nëpër fusha, nëpër kodra, vërshëllen një egërsirë!”

Shkruante shumë kohë më parë Ali Asllani në hakërrimin e tij epokal, duke mos e ditur se në tokën shqiptare do të vijë një egërsirë e kohëve moderne, për të cilin thonë që ishte këndonjës i bijve të Bllokut, dhe atij që dënjoi të vëjë firmën mbi faljen e jetës së një poeti. Që është këndonjës këtë e dëshmoi edhe me qeverisjen e tij. Duke njohur mirë letrat e njerëzve të mençur shqiptarë, erdhi ose më mirë të themi u rikthye nga mëhallat e Parisit, jo pse e ftoi kryeministri Fatos Nano në qeveri, por e nuhati se sërish erdhi koha e maskarenjve, e Atdheu le të jetë shqipëtarve! Formulën e “hakërrimit” e kishte të njohur dhe erdhi në krye të ministrisë së kulturës , për të vërshëllyer, për tu hakërryer duke hëngër, pirë dhe rrëmbyer, duke mbushur xhepat e arkat. Kur pa se populli bujar edhe sot vazhdon të përgjigjet: peqe, lepe; vazhdoi hakërrimën e tij në Bashkinë e Tiranës për të përfunudar, për fatin e keq të kombit shqiptar, edhe në krye të qeverisë, kësaj qeverie kriminale:

“…dhe kolltuku ku ke hipur, duke hequr nderin zvarr’,
ësht’ trikëmbshi që përdita varet kombi në litar!
Dhe zotrote kullurdise, diç, u bëre e pandeh,
kundër burrit të vërtetë zë e vjell e zë e leh!”

E thoshte Ali Asllani, që këndonjësi ynë kriminal, e ka lexuar dhe po e zbaton jo vetëm pse “koha është e maskarenjve, po Atdheu i shqipëtarve”,  por kjo është Shqipëria dhe këta janë shqiptarët, që kur vijnë në pushtet, “dora e armikut, i heq për hunde.”

Po, po, duke harruar shëndetësinë falas, detin e shitur, kufirin shqiptaro-shqiptar dhe lirinë e lëvizjes me Kosovën, linjën e interkonjeksionit në tokën shqiptare, nxitoi të shkoj në Beograd për ti thënë armikut: Peqe!

“Që të zinit një kolltuk, aq u ulët u përkulët, 
sa në pragun e armikut vajtët si kopil u ngulët!
As ju hahet, as ju pihet, vetëm titulli ju kihet…
Teksa fshat’ i varfër digjet… kryekurva nis e krihet!”

Por jo vetëm krihet, vazhdon hakërrimën ndaj të gjithë atyre që e kundërshtuan reformat e tij kriminale, bashkëpunimin me kryeministrin e Serbisë, Aleksandar Vuçiç dhe rrugën eurointegruese që e devijoi në drejtim të Rusisë.

S’keni parë gjë akoma, përsëriste Edi Rama duke u krehur para deputetëve dhe duke u hakërruer ndaj atyre që kundërshtojnë Serbinë ndërsa ai mori ca komplimenta nga kancelarja e nderuar Merkel dhe të gjithë ata shqiptarë të shkretë jashtë kufijve zyrtarë, që u kënaqën kur kryekrimineli shqiptar i tha në sy, atij serb: Kosova është e pavarur!

Që janë vetëm fjalë, shqiptarët u bindën shumë shpejtë, por, që një kryeministër do ti fus duart edhe në xhepat e tyre, këtë se kishin menduar; Ndryshe filloi t’u vinte edhe prangat.

Shëndetësia jo që nuk u bë falas, por edhe ato shërbime si dializa, ekot ose analizat e gjakut, që kur ai erdhi në pushtet, shqiptarët i bënin me pak lekë nën duar, çmimi pandehur u rritë dhe cilësia u ul. Për ti dhënë vulën “shëndetësisë së Beqjes” Edi Rama e konfimroi me vizitën e tij dhe të famljarëve, në spital privat. Jo, në spitalet me të cilat ai mburret edhe sot, vetëm pse u ka hequr kioskat në oborr.

“Ç’na pa syri, ç’na pa syri!… Hunda juaj ku nuk hyri: 
te i miri, te i ligu, te spiuni më i ndyri!”

Policët që i gjeti “të shkretë” i bëri kultivues, transportues dhe trafikant të marijuanës, heroinës dhe kokainës e shefat e tyre, menaxhues të këtij trafiku. Duke mos harruar për asnjë çast se koha është e maskarenjve, e Atdheu le të jetë i shqipëtarve, të gjithë spiunët më të ndyrë të këtij vendi i vuri në rresht për të zbatuar rilindjen e tij.

“Dallavera nëpër zyra, dallavera në pazar,
dallavera me të huaj, dallavera me shqiptar”

Kaloi kështu një mandat qeverisës, u bën ca pasanikë dhe bejlerë të ri duke fshirë sofrat e të gjithë atyre që u dolën para e duke puthur këmbën e armikut, për tu hakërryer në fund jo vetëm kundër opozitës por edhe partnerit të koalicionit me të cilin gjunjëzoi politikën dhe sigurinë e Shqipërisë!

U shpik dhe tepsia! Nga një kryeministër pa nivel, çfarë mund të presësh më shumë kur imagjinata e tij nuk e tejkalon atë të një kovaçi. Ç’rënëdsi ka për njëriun, pasardhësi i të cilit malet i bëri fusha, e ky tokat e bukës i bënë toka droge, kur thjeshtë e ka të qartë se koha  është e maskarenjve, e Atdheu le të jetë shqipëtarve!
Në emër të Reformës në Drejtësi bëri edhe të huajt për vete, vazhdoi hakërrimin ndaj opozitës dhe pandehur e gjithë ajo që u tha për drogën në tokën shqiptare, rezultoi e vërtetë. Por, sërish në anën e krimit del Edi Rama, me një teori të çuditshme: “Drogën nuk e solla unë, atë e gjeta në mes jush”, thotë njeriu që ka qeverisur plotë gjashtë vjet me vendin dhe po aq ka tundur fotot e bëra nga ajri, që dëshmonin se Saimiri e ka zhdukur drogën nga faqja e dheut. Por “bravo çuna” shumë shpejtë u konvertua në “turp çuna” dhe derigjienti i këtyre çunave, së bashku me orkestrën e tij u largua nga skena.

Që të gjithë, pa dallim, si ministri ashtu edhe shefat e tij të përzgjedhur rezultuan trafikantë droge. Por, nuk u arrestua njeri, urdhëri ishte të hapin krahun, droga të vazhdoj të trafikohet “normalisht” ashtu si edhe hakërrima kundër opozitës, e Reforma në Drejtësi të vazhdoj pa Saimir Tahirin prapa hekurave.

U tha u bë, por shqiptarët nuk kishin parë gjë akoma! Pasardhësi i Saimirit vërtetë nuk është me spaleta bossi, por nuk u braktis familja kriminale. Opozita u mundua të sjell dëshmi si për hajdutët, vrasësit, trafkantët e drogës dhe prostituave, që kishte futur Edi Rama në Parlament, ashtu edhe për ministrin aktual të Brendshëm, vëllau i të cilit është dënuar me dënim të formës së prerë me 7 vjet burg për trafik droge. Kryeministri nuk dëshiron të sheh dëshmi, siç nuk veproi gjatë gjithë qeverisjes, por me hakërrim kundër opozitës doli në mbrojtje të “Pashait të Vlorës”, për të cilin tha se si mund të jetë kriminel kur nuk është certifikuar nga Ambasadorët Lu e Vlahutin.

Kut i çuditshëm ky i një njeriu që po drejton Reformën në Drejtësi nga Zyra e Kryeministrit! Ndoshta edhe nuk ka faj në këtë rast sepse mburret me këtë Reformë dhe shkelë me dy këmbët postin e Kryeprokuruorit, ndërkohë ata të huaj që i rrahën shpatullat, heshtën; Kreun e prokurorisë së krimeve të rënda që guxoi të kërkoi arrestimin e Saimirit, e shkarkoi dhe sërish certifikuesit ndërkombëtar të drejtësisë heshtën; Ky mund të jetë edhe botëkuptimi i një tepsixhiu për drejtësinë, pavarësisht që kjo nuk është Drejtësia vet. Ku i dihet!

Dhe, në fund, duke jetuar në një realitet virtual që i servir ERTV, Edi Rama filloi të bindet se kjo është bota ideale që e duan shqiptarët. Udhëton drejtë Gjermanisë, dhe i del një tjetër pasqyrë për të cilën flasin raportet e huaja, e Berlini zyrtar nuk hakërrehet, thjeshtë i lëshon traun. Me të mbërritur në Tiranë e kupton se shqiptarët, jo sikur se ai, nuk shohin vetëm ERTV-n dhe janë informuar se porta për në Bashkimin Evropian i është mbyllur. Sërish hakërrim, pa doganë, kundër opozitës që flet keq për vendin e saj dhe të gjithë atyre deputetëve gjermanë që nuk mendojnë si kryeministri i qeverisë më kriminale që ka parë ndonjëherë kombi shqiptar. Por, jo e gjitha mbyllet këtu!

Holanda që nuk mendon si “të huajt” e Edi Ramës dhe as si opozita, dërgon një mision faktmbledhës në Tiranë. Faktet janë dëshpruese, rezulton shumë më keq, këtë i thonë edhe kryeministrit në fytyrë, por ai nuk e pranon. Qetësohet, përcjellë misionin që nuk e konfirmon çeljen e negociatave me BE, dhe shtyp pa dashje butonin që nuk i nxjerr ERTV-n por një nga televizionet që e ka flakur nga kazani i tij mediatik. Një deputet holandez i këtij misioni e bënë të qartë se Shqipëria ideale e Edi Ramës, nuk është gati për BE.

Ky realitet i thënë nga goja që nuk kontrollohet nga Edi Rama, u prit me një hakërrim të pazakontë, që edhe ujin e bëri të zi. Jo se e kishte nxirë deputeti holandez, por që Edi Rama ka kohë që nuk pinte ujë nga një çesme shqiptare, dhe ku ta dinte i shkreti që aq shumë e kishte nxirë burimin, qeverisja e tij. Sërish nuk e fajësoi veten por opozitën që flet keq për Shqipërinë, e ai vazhdon të konsumoj ujin nga burimet franceze, aty ku krimi i tij nuk ka shtrirë ende tentatkulat. Dhe normalisht, sërish edhe hakërrim, duke shprehur keqardhje që Amerikën e ka larg, ndryshe do të bëhej pjesë e saj. E shndërroi në pronë të veten edhe Shqipërinë, për ta çuar sa andej e këtej, vetëm pse ka deputetë gjermanë ose holandezë që nuk shikojnë ERTV-n por realitetin, dhe e kuptojnë se vendi i cili qeveriset nga Edi Rama është vend i krimit dhe drogës.

Por, ky këndonjës i shquar i bijve të Bllokut përveç se ka hakërrim të pashoq, harron fundin e atij të Ali Asllanit, që ka një përfundim me të cilin deshi apo jo Edi Rama, qeverisja e tij kriminale e ka të ngjashëm:
“A e dini që fitimi brenda katër vjet mizor’
nuk ësht’ yti, nuk ësht’ imi, është i kombit arbror,
ësht’ i syrit në lot mëkuar, ësht’ i vendit djegur, pjekur,
Ju do thoni si të doni… po e drejta dërmon hekur!”