Itali, fitore e thellë e të djathtës me Kryeministre Girorgia Meloni

Pak pas mbylljes së qendrave të votimit në orën 23:00, publikohen dhe exit-pollet e para në Itali që nxjerrin fituese të thellë, Qendrën e djathtë.

Kështu, sipas exit-pollit të Rai 1, Qendra e djathtë e përbërë nga Forza Italia e Silvio Berluskonit, Lega Nord e Mateo Salvinit dhe Fratelli d’Italia e Giorgia Melonit, në përbërjen e re parlamentare do të ketë 227-257 mandate duke lënë mbrapa Qendrën e majtë me vetëm 79-98 mandate.

Edhe për Senat, fitoja është e ngjashme, shumë e thellë. Sipas projeksionit të Rai 1, Qendra e djathtë do ketë 111-131 mandate ndërsa Qendra e majtë 33-53 mandate.

Në krye të qeverisë së djathtë që do ta drejtojë vendin pa patur nevojën e partive të tjera në koalicion, Kryeministre e Italisë do të jetë Giorgia Meloni.

Ndryshe, Parlamenti i ri i Italisë pritet të mbajë seancën inauguruese më 13 Tetor ndërsa qeveria e re pritet të votohet deri në fund të muajit tetor.