Konferenca e VIII-të Mbarëkombëtare e Arkivistikës, DPA thirrje për studiuesit e trojeve shqiptare
Drejtoria e Përgjithshme e Arkivave, DPA, ka ftuar studiuesit, ekspertët e arkivave të trojeve shqiptare dhe të mbarë rajonit, si dhe çdo të interesuar të bashkësisë shkencore, për pjesëmarrje në Konferencën e VIII-të Mbarëkombëtare të Arkivistikës dhe në botimet e vitit 2025.
“Data 8 qershor e këtij viti shënon një ngjarje të rëndësishme në historinë tonë, themelimin e Drejtorisë së Përgjithshme të Arkivave, institucionit të ruajtjes së memories sonë kolektive kombëtare. Me rastin e 75-vjetorit, DPA-ja ka kënaqësinë të ftojë studiuesit, ekspertët e arkivave të trojeve shqiptare dhe të mbarë rajonit, si edhe çdo të interesuar të bashkësisë shkencore, për të marrë pjesë në Konferencën e VIII-të Mbarëkombëtare të Arkivistikës dhe në botimet e vitit 2025.
Kësaj here, DPA-ja prezaton një risi, që lehtëson qasjen e të interesuarëve në procedurën e aplikimit. Për të dyja këto thirrje, abstraktet e punimeve do të mund të dërgohen drejtpërdrejt në adresën botime.arkiva.gov.al, ku aplikantët mund të depozitojnë kërkesën e tyre për pjesëmarrje,” tha Drejtori i DPA, Ardit Bido, thirre për të cilat abstraktet e punimeve do të mund të dërgohen drejtpërdrejt në adresën botime.arkiva.gov.al, ku aplikantët mund të depozitojnë kërkesën e tyre për pjesëmarrje.
Konferenca e VIII-të Mbarëkombëtare e Arkivistikës do të mbahet në Elbasan më datë 9 qershor 2024, si bashkëpunim mes DPA-së, Agjencisë Shtetërore të Arkivave të Kosovës dhe Bashkisë Elbasan.
“Temat e propozuara për diskutim lidhen specifikisht me arkivistikën, të drejtat e njeriut dhe me historinë e arkivave apo të institucioneve arkivore në trevat e banuara nga shqiptarë. Në përputhje me ngjarjet jubilare të sivjetshme, boshti tematik i konferencës do të përqendrohet në:
• 80-vjetorin e Çlirimit të Shqipërisë dhe fundit të Luftës së Dytë Botërore;
• 115-vjetorit të Kongresit të Elbasanit;
• 75-vjetorit të themelimit të Arkivit Qendror Shtetëror AQSH,”ka sqaruar Ardit Bido
Ndërkaq, janë hapur thirrjet për financimin e botimeve nga çdokush që është I interesuar, Brenda dhe jashtë vendit. Deri në pesë libra, në kolanat “Përmbledhje dokumentesh”, “Monografi arkivore” dhe “Udhërrëfyes arkivor”, do të financohen tërësisht nga fondi i posaçëm i DPA-së.
Abstraktet e punimeve për të dyja thirrjet do të pranohen deri më datë 5 prill 2024 në shqip dhe në anglisht, në faqen botime.arkiva.gov.al.
Ndryshe, Konferenca e VIII-të Mbarëkombëtare e Arkivistikës, zhvillohet në vazhdën e edicioneve të kaluara të zhvilluara në Tiranë, në Prishtinë, në Shkupi, në Sarandë, në Tuzi, në Boletin dhe në Manastir.
