KQZ shpall fituesin në Himarë, Berisha: Me Edi Ramën nuk ka zgjedhje!
Pasi Komision Qendror i Zgjedhjeve të Edi Ramës shpalli fitues për kryetarin e Bashkisë Himarë, grekun socialist Vangjel Tavo, ka reaguar kryetari i Partisë Demokratike, Sali Berisha duke e cilësuar si fitore rrëmbim me dhunë e terror nga Edvin Gjipea.
“Grabitja e rradhës! Edivin Gjipea pasi rrëmbeu me dhunë terror burgim politik mandatin e Fredi Belerit në Himarë kreu dje grabitjen e tyre të mandatit me kukullën e tij Vangjel Tavo,” shprehet Sali Berisha në reagimin e tij përmes rrjetit social Facebook duke renditur dhe shkeljet.
“Në këtë grabitje mobilizoi në shkelje të ligjeve dhe kushtetutës të gjithë potencialin e shtetit kriminal elektoral dhe institucionet e tij, ju mohoi të drejtëm kushtetuese të votes 6.153 qytetarëve të Himarës me motivin e skadimit të afatit të kartave të identitetit ndërkohë që në maj të vitit 2023 me vendim të veçantë i kishte lejuar të votonin.
Me qëllim grabitjen e mandatit, Edvin Gjipea solli në listat e votimit në Himarë 360 votues nga Dropulli, Saranda dhe Tirana dhe qindra të tjerëve iu ndryshoi qendrat e votimit,” shprehet kryetari i Partisë Demokratike, Sali Berisha, duk i konfirmuar dhe grekëve dhe jo vetëm shqiptarëve në Himarë, se me Edi Ramen nuk ka zgjedhje.
“Të gjitha këto ndërhyrje të shtetit kriminal elektoral, manipulime me listat e zgjedhësve dhe përjashtimi i 6153 qytetarëve nga votimi dëshmojnë se mandati i Tavos qendron mbi krimin monstruoz elektoral.
Me Edi Ramen nuk ka zgjedhje.
O sot o kurrë!”
