Kryetari i Bashkisë Shkodër: Gëzuar festën e Ashures!

Për besimtarët Bektashi kjo e sotmja është një ditë e veçantë, të cilës me kënaqësi zgjodha t’i bashkohem, duke përcjellë urimet në Teqenë e “Haxhi Shejh Ali Krujës”, për të gjithë komunitetin bektashi që jeton në territorin e Bashkisë Shkodër, tha në urimin e tij për “Ditës e Ashures”, tha i pari i bashkisë, Bardh Spahia.

“Festa e Ashures është një ndër ditët që shënojnë shfaqjen e virtyteve më të mira të këtij komuniteti, është një sintezë e vlerave njerëzore, një simbol i bashkimit dhe përpjekjeve për të kontribuar për mirëqënien e të gjithë njerëzve,” tha Kryetari i Bashkisë Shkodër, Bardh Spahia, duke përfunduar:

“Askush më mirë se Shkodra nuk i shfaq këto vlera, ku harmonia fetare mbetet virtyt i rrallë.”

Dita e Hashures është dita e fundit e Matemit. Vjen pas 10 ditë agjërimi gjatë të cilave përkujtohet sakrifica e besimtarëve bektashinj. E gjithë bota myslimane e kujton këtë ditë si ngjarjen më të dhimbshme në historinë e njerëzimit. Në fushën e Qerbelasë, 1.400 vjet më parë u masakruan nipi i profetit Muhamed, Imam Hyseni, së bashku me 72 shehid (dëshmorë).