Liga e Kombeve, sonte Kosovë-Islandë

Përfaqësuesja e Kosovës në futboll, sonte në Prishtinë do të përballet me Islandën në ndeshjen e parë të Play offit në Ligën e Kombeve.

Si për dardanët ashtu dhe islandezët ky është një duel tejet i rëndësishëm në garën për promovim në Ligën B të Ligës së Kombeve.
Përzgjedhësi i Kosovës, Franco Foda, është shprehur i bindur se të besuarit e tij, do të bëjnë paraqitje të mirë në përballje me Islandën.
“Atmosfera në skuadër është e mirë. Amir Rrahmani dhe Valon Berisha dje kanë stërvitur të diferencuar nga grupi, por shpresojmë se do të jenë të gatshëm për nesër. Islanda ka lojtar individualisht, por ne do të bëjmë lojën tonë. Duhet të kemi shpirt luftarak në këto dy ndeshje,” tha Franco Foda.
Përballja mes Kosovës dhe Islandës zhvillohet në Stadiumin “Fadil Vokrri” dhe fillon në orën 20:45.