Masa e sigurisë për Tahirin/ Ish-ministri pritet të dalë para gjykatës, ja çfarë pritet të ndodhë…

Një ditë më parë gjykata e Krimeve të Rënda caktoi masën e arrestit të shtëpisë ndaj ish-ministrit të Brendshëm, Saimir Tahiri, ndërsa prokuroria e Krimeve të Rënda kërkoi atë të arrestit me burg.

Pas seancës u raportua se secila palë, pra Prokuroria dhe avokatët mbrojtës do të apelojnë vendimin. Avotatët e Tahirit e kanë cilësuar të padrejtë vendosjen e masës së sigurisë me arrest shtëpie, ndërkohë që Prokruroria i qëndron kërkesës së saj të para 6 muajve për arrest me burg.

Burime nga organi i akuzës bënë të ditur se kanë paraqitur provat shtesë të ardhura nga Italia dhe Greqia, pas letërporosive të dërguara në drejtim të këtyre vendeve. Thuhet se provat e reja kanë të bëjnë me lëvizjet e Tahirit drejt këtyre shteteve, personat që e kanë shoqëruar, mjetet me të cilat ka lëvizur, kohën e qëndrimit.

Por çfarë pritet të ndodhë në ditët në vazhdim në përballjen Prokurori-Tahiri?

Në masën e sigurisë së përcaktuar dje, Tahiri nuk ka qenë prezent,pra konsiderohet një masë sigurimi në mungesë. Kjodo të thotë se pa dalë personi i akuzuar para gjjykatës,nuk mund të bëhet ankimim për ndryshimin e masës së sigurisë, në rastin konkret atë të “arrestit shtëpiak”.

Kjo përcaktohet në nenin 248 të Kodit të Proçedurës Penale.

Neni 248

Marrja në pyetje e personit të arrestuar (Shtuar fjalia në pikën 1 e pika 4 dhe 6, ndryshuar pika 2 e pika 4 numërohet pika 5, me ligjin nr. 35/2017, datë 30.3.2017)

1. Jo më vonë se tri ditë nga zbatimi i masës, gjykata e merr në pyetje personin për të cilin ka vendosur arrestin në burg ose në shtëpi. Për masat e tjera të sigurimit, shtrënguese ose ndaluese, gjykata procedon me marrjen në pyetje brenda pesë ditëve nga zbatimi i masës. Mbrojtja ka të drejtë të njihet me aktet dhe të marrë kopje të tyre.
2. Nëpërmjet marrjes në pyetje, gjykata verifikon kushtet dhe kriteret e caktimit të masës dhe nevojat e sigurimit, të parashikuara nga nenet 228, 229 dhe 230 të këtij Kodi. Kur këto kushte nuk ekzistojnë, gjykata vendos revokimin ose zëvendësimin e masës. Në të kundërt, gjykata vendos vazhdimin e zbatimit të saj. Gjykata depoziton vendimin e arsyetuar brenda 48 orëve.
3. Në pyetjen e të arrestuarit marrin pjesë prokurori dhe mbrojtësi, të cilët lajmërohen nga sekretaria e gjykatës.
4. Gjatë debatit gjyqësor palët kanë të drejtë të paraqesin prova, me përjashtim të provave me dëshmitarë.
5. Kur pyetja e të arrestuarit duhet të bëhet në gjykatën e një rrethi tjetër, gjykata kërkon që pyetja të bëhet nga një gjyqtar i asaj gjykate.