Mesazhi i Krishtlindjes, Arqipeshkvi Imzot Arjan Dodaj: Prania e Jezusit, arsye për paqe!
Jezusi fëmijë, hyji vjen mes nesh për të na dhuruar hirin e një dashurie që plotëson tërësisht njeriun, e nis kështu mesazhin e Krishtlindjes, Arqipeshkvi Metropolit i Tiranë-Durrës, Imzot Arjan Dodaj, duke shtuar se në këtë ditë të bekuar ritingëllon me thjeshtësi e forcë akoma fjala e engjëllit:
“Lavdi Hyjit në lartësi qiellore e paqe njerëzve vullnetmirë në tokë. Ku është mesazhi që Hyi i jep njeriut të mijëvjeçarit të ri, ku i sprovuar është i thirrur të ngrejë kokën drejt qiellit ku e udhëheq ylli, njeriut që mes errësirës gjen shpresën e mesazhin e jetës në takimin me këtë fëmijë,” shprehet Imzot Arjan Dodaj ndërsa ka mesazh të qartë për politikën, rininë shqiptare dhe të varfrit:
“Mesazh për botën politike, prania e Tij të jetë arsye për paqe.
Mesazh për rininë shqiptare, të rizbulojë të ardhmen e vet në tokën e vet.
Mesazh për të varfrit sepse kurrë të mos dorëzohen përballë pikëllimit.
Ndërkohë Arqidioqeza Metropolitane Tiranë – Durrës bënë të ditur se Mesha e Vigjiljes së Krishtlindjes fillon në orën 23:00 në Katedralen e Shën Palit në Tiranë;
Ndërsa në Ditën e Krishtlindjes, 25 Dhjetor, me fillim në orën 10:00 fillon Mesha e Krishtlindjes në Katedralen e Shën Palit në Tiranë.
Mesazhi i Krishtlindjes 2022:
Të dashur vëllezër e motra. T’ju arrijë kudo që jeni urimi dhe bekimi për këtë Krishtlindje.
Jezusi fëmijë, hyji vjen mes nesh për të na dhuruar hirin e një dashurie që plotëson tërësisht njeriun.
Ëndrra në Eden që njeriu kishte që të bëhej si Hyi, por me forcat e veta, Hyi e plotëson me përkujtërinë e Tij duke u bërë fëmijë mes nesh. Kjo ëndërr akoma e shoqëron njeriun e e nxit të arrijë hyjninë me forcat e tij, dhe duke shkuar kundër vëllait e Zotit, e duke lejuar që trishtimi përçarja e lufta të sundojë botën ashtu si sot. Por Hyi nuk lodhet e dorëzohet e lodhet me krijesën e Tij më të dashur që është njeriu, përkundrazi vetë bëhet njeri duke ardhur mes nesh.
Në këtë ditë të bekuar ritingëllon me thjeshtësi e forcë akoma fjala e engjëllit: lavdi Hyjit në lartësi qiellore e paqe njerëzve vullnetmirë në tokë. Ku është mesazhi që Hyi i jep njeriut të mijëvjeçarit të ri, ku i sprovuar është i thirrur të ngrejë kokën drejt qiellit ku e udhëheq ylli, njeriut që mes errësirës gjen shpresën e mesazhin e jetës në takimin me këtë fëmijë.
Mesazh për botën politike, prania e Tij të jetë arsye për paqe.
Mesazh për rininë shqiptare, të rizbulojë të ardhmen e vet në tokën e vet. Mesazh për të varfrit sepse kurrë të mos dorëzohen përballë pikëllimit.
Arqipeshkvi Metropolit i Tiranë-Durrës
Imzot Arjan Dodaj F.d.C
