Parlamenti gjerman miratoi uljen e tatimit për karburante

Të dyja dhomat e parlamentit gjerman, Bundestagu dhe Bundesrati, miratuan sot një ulje prej 17 centësh të akcizës për produktet e naftës nga fillimi i muajit maj.

“Një serbator i plotë me karburant duhet të jetë rreth 10 euro më lirë nga 1 maji, gjë që mendoj se është një lehtësim i madh,” tha anëtar i Bashkimit Kristian Demokrat CDU/CSU, Fritz Guentzler, gjatë një debati që i parapriu votimit në Bundestag.

Masa u prezantua nga qeveria gjermane pasi çmimet e karburantit u rritën ndjeshëm pas sulmeve të SHBA-së dhe Izraelit ndaj Iranit. Paketa e parë e masave, e cila prezantoi një rregull që pikat e karburantit lejohen të rrisin çmimet vetëm një herë në ditë, nuk solli rezultatet e pritura.

Kritika nga opozita dhe ekonomistët
Opozita ka kritikuar ashpër uljen e çmimit të karburantit, duke thënë se kjo do të rrisë më tej kërkesën për karburant në vend që ta ulë atë në një kohë kur mungesa e naftës po afrohet. Masa u kritikua gjithashtu nga ekonomistët kryesorë në Gjermani, duke treguar mungesën globale të karburantit dhe natyrën kundërproduktive të masës, e cila do të rriste më tej konsumin.

Agjencitë e mbrojtjes së konsumatorit kanë frikë se ulja e taksave të karburantit nuk do të arrijë te konsumatori përfundimtar, por do t’u sjellë më shumë dobi kompanive të naftës dhe po kërkojnë që qeveria të kontrollojë rreptësisht lëvizjet e çmimeve pasi masa të hyjë në fuqi.

Merz nën kritika
Shoqatat e pronarëve të pikave të karburanteve kanë njoftuar tashmë se për shkak të festës së 1 Majit, nuk do të jetë e mundur të ulen çmimet e karburantit kudo.

Qeveria e koalicionit Kristian Demokrat-Social Demokrat e Friedrich Merz është kritikuar nga publiku që nga fillimi i krizës së naftës për reagimin e saj të pamjaftueshëm ndaj rritjes së çmimeve të karburantit.