Pas Putinit çmendet edhe Sergej Lavrov: Dëshirojmë ta çlirojmë Ukrainën!
Deri sa Zyra për të Drejtat e Njeriut pranë OKB, raporton se gjatë sulmit rus mbi Ukrainën janë vrarë 127 civilë ndërsa janë plagosur 102 persona dhe ky numër po rritet çdo moment, ministri i Jashtëm rus, Sergej Lavrov deklaron se Rusia dëshiron ta çliroj Rusinë nga shtypja!
Sergej Lavrov nuk është njeriu i parë që është çmendur në Kremlin, por sot kur forcat ruse janë futur në kryeqytetin ukrainas Kiev dhe po vrasin gjithçka që u del para, Agjencia ruse e lajmeve Interfax raporton se shefi i diplomacisë ruse deklaron se “askush nuk po planifikon të okupoj Ukrainën. Rusia dëshiron ta demilitarizoj dhe ta çliroj nga shtypja.”
Dhe jo vetëm kaq! I pyetur nëse Rusia dëshiron ta rrëzoj pushtetin e një shteti demokratik, Lavrov tha se Ukraina nuk mund të quhet shtet demokratik.
“Rusia vazhdon të mos e pranoj për asnjë moment qeverinë ukrainase si demokratike,” tha Sergej Lavrov duke sqaruar synimet e Presidentit të tij të çmendur:
“Presidenti i Federatës Ruse ka vendosur të kryej një operacion special të demilitarizimit dhe denazifikimit të Ukrainës në mënëyrë që ukrainasit të çlirohen nga shtypja, dhe të mund të vendosin për arrdhmen e tyre,” tha ministri i Jashtëm i Rusisë, Sergej Lavrov, gjatë një konference për media në Moskë.
Ndryshe, deri sa Sergej Lavrov nxjerrë nga goja marrëzira të tilla, zyrtarët ukrainas raportojnë se pas një nate me granatime, forcat ruse janë futur në kryeqytetin Kiev ku po shkëmbehet zjarri përreth godinës së qeverisë ndërsa raportohet se vetëm në këtë qytet janë vrarë 120 civilë.
